Hadibaia Hereva

◼ March: Gima Noho! buklet hariharilaia. Bema ta ia kamonai namonamo, Baibel be Dahaka Ia Hadibaia? buka matamatana oi gaukaralaia stadi oi hamatamaia totona. Bema unai buka ia noho lasi, vadaeni Diba bukana oi gaukaralaia diba. April bona May: Gima Kohorona bona Awake! hariharilaia. Kamonai taudia, bona Memorial eiava hebouhebou badadia dekenai idia lao to kongrigeisen heboudia dekenai idia lao lasi taudia, oi lou henidia neganai, namona be buka matamatana Baibel be Dahaka Ia Hadibaia? be idia dekenai oi hariharilaia. Do ita hekwarahi unai buka amo Baibel stadi ita hamatamaia totona. June: Baibel be Dahaka Ia Hadibaia? bukana hariharilaia. Bema ruma taudia idia gwau idia be natudia lasi, vadaeni Ruma Bese Ena Moale Bukana hariharilaia.

◼ April ena wikeni be faiv dainai, unai be hua namona heduru painia gaukara ita karaia totona.

◼ Memorial be Wednesday, April 12, 2006 ai do ita karaia. Bema emu kongrigeisen ese Wednesday ai hebou idia karaia, namona be wiki ena dina ma ta ai umui karaia, bema Kingdom Hall be ta ese ia gaukaralaia lasi. Bema unai ia hegeregere lasi bona emui Hesiai Hebou umui karaia diba lasi, emui kongrigeisen ese idia badinaia diba kahadia be Hesiai Hebou ma ta ida umui karaia hebou diba.

◼ Lagani 2006 ena Memorial negana ena spesel pablik tok ena sinado be “Dirava be Ia Lohia Noho, A?” Unai tok be Sunday, April 30 ai do idia henia. Bema unai pura lalonai sekit naria tauna ia vadivadi eiava sekit hebouhebou umui abia, pura gabena ai spesel tok do umui karaia diba. Sunday, April 30, 2006 ia do ginidae lasi neganai, kongrigeisen ta ese unai spesel tok do ia karaia lasi.

◼ Kongrigeisen ese Gima Kohorona bona Awake! magasin matamatadia idia abia neganai, namona be idia henidia haraga. Unai amo pablisa taudia ese magasin do idia duahia bona dibaia namonamo guna, bena haroro gaukara lalonai do idia hariharilaia. Iseda Basileia Gaukara danu idia ginidae neganai, namona be tadikaka bona taihu dekenai ita henidia haraga. Reana Kongrigeisen ena Buka Stadi dekenai idia henia be namo.

◼ May ai, Hesiai Hebou ta lalonai, Noah​​—He Walked With God vidio do ita herevalaia. Bema unai vidio kaset ta oi ura, karaharaga kongrigeisen amo oi oda be namo.

◼ Brens opesi ese pablisa ta ta edia buka oda ia abia dae lasi. Namona be hua ta ta lalonai kongrigeisen ena buka oda be brens opesi dekenai idia do siaia lasi neganai, hakaua naria tauna ese hadibaia herevana ia hegaegaelaia kongrigeisen hadibaia totona, unai amo sibodia edia buka idia ura taudia ibounai ese buka naria tadikaka idia hadibaia diba. Mani umui laloaboio lasi edena buka be spesel noinoi gaudia.