Hadibaia Herevadia
◼ May: Gima Kohorona bona Awake! hariharilaia. Kamonai taudia bona Memorial eiava hebouhebou badadia dekenai idia lao, to kongrigeisen heboudia dekenai idia lao lasi taudia, oi lou henia neganai, namona be Baibel Hadibaia bukana be idia dekenai oi hariharilaia. Bona unai buka amo Baibel stadi hamatamaia. June: Ruma Bese Ena Moale Havaraia Dalana. July bona August: Inai rau 32 buklet ta oi gaukaralaia diba: Dirava ese Ita Ia Laloa Eiava?, Inai Gavamani ese Paradaiso Do Ia Mailaia, Ita Mase Neganai Dahaka Ia Vara Ita Dekenai?, “Itaia! Lau ese Gau Iboudiai Lau Hamatamataia,” Mase Taudia Edia Lauma—Oi Idia Durua Diba Eiava Oi Idia Hadikaia Diba, A?, Idia be Momokani Idia Noho, A?, Mauri Ena Anina be Dahaka—Edena Bamona Oi Davaria Diba?, Mauri Hanaihanai Tanobada Dekenai Oi Abia!, Oiemu Lalokau Tauna ta Ia Mase Neganai, bona Toi Tamona Oi Abia Dae be Namo, Eiava?
◼ Bema ta ese seke amo Tanobada Ibounai Gaukarana bona Kingdom Hall Fund totona kontribusen monina ia henia, namona be seke dekenai kongrigeisen ena akaun ena ladana ia torea. Hegeregere “Kavieng Congregation of Jehovah’s Witnesses.” Bema ta ese distrik hebouhebou dekenai seke amo kontribusen monina ia henia eiava brens opesi dekenai ia siaia, namona be seke dekenai inai ladana “International Bible Students Association” eiava “IBSA” ia torea. Brens opesi ena adres be International Bible Students Association, P.O. Box 636, Boroko, NCD 111.
◼ Namona be elda oreadia bona sekit naria taudia ese January 2007 ena Iseda Basileia Gaukara, rau 4 ena hereva “Dika Badana Totona Oi Hegaegae Vadaeni, A?” idia riviulaia. Gau badana be, kongrigeisen bona grup idia naria taudia ibounai be tadikaka idia noho gabudia, adres o telefon namba matamatadia idia diba, unai amo dika negadiai idia be heduru idia henia haraga diba. Bema pablisa taudia be gabu ta dekenai do idia lao, hegeregere bisinesi o holide totona do idia lao, eiava hospital ai do idia noho sisina daudau, vadaeni Kongrigeisen Buka Stadi naria tauna o elda tauna ma ta idia hadibaia danu be namo.