Hadibaia Herevadia
◼ July bona August: Diba ese Mauri Dekenai Ita Ia Hakaua Lao eiava Mauri Hanaihanai Paradaiso Lalonai bukana hariharilaia. Eiava, rau 192 bukadia, hegeregere Memero Kekeni—Moale Umui Davaria Dalana, Roho Mauri Bena Tanobada Matamatana Noholaia, Maino Bona Noho Namona—Daika amo Ia Mai? eiava Dirava Momokani Tamona Tomadiho Henia mai Lalo-Tamona Danu hariharilaia. September: Baibel be Dahaka Ia Hadibaia? bukana hariharilaia. Vadivadi ginigunana ai oi hekwarahi Baibel stadi oi hamatamaia totona. Bema ruma taudia be unai buka idia abia vadaeni, nega kwadogi lalonai Baibel stadi karaia dalana oi hahedinaraia. October: Gima Kohorona bona Awake! magasin hariharilaia. Taunimanima idia kamonai neganai, inai pepapepa Oi Ura Baibel Do Oi Diba Namonamo, A? do ita henia bona herevalaia diba.
◼ August ena wikeni be faiv dainai, unai be hua namona heduru painia gaukara ita karaia totona.
◼ July-September 2008 Gima Kohorona (Hiri Motu gado pablik gauna) ena kahana ta be Motu gado korikori ai idia hahanaia. Motu gado korikori idia herevalaia taudia ita haroro henia neganai, unai kahana ita gaukaralaia diba.
◼ Brens opesi ese pablisa ta ta edia buka oda ia abia dae lasi. Namona be hua ta ta lalonai kongrigeisen ena buka oda be brens opesi dekenai idia do siaia lasi neganai, hakaua naria tauna ese hadibaia herevana ia hegaegaelaia kongrigeisen hadibaia totona, unai amo sibodia edia buka idia ura taudia ibounai ese buka naria tadikaka idia hadibaia diba. Buka naria tadikaka e, namona be umui diba edena buka be spesel noinoi gaudia.
◼ September 1, 2008 ai, kongrigeisen ai idia do noho buka bona magasin ibounai idia duahia be namo. Buka naria taudia ese hua ta ta ai idia karaia hegeregerena, buka ibounai do idia duahia bona edia namba be fom ladana Buka Edia Lista, September 1, 2008 dekenai do idia torea. To magasin hida idia do noho ena namba be magasin naria tadikaka amo do idia abia bona unai fom dekenai do idia torea danu. Seketere ese unai duahia karana do ia naria be namo. Kongrigeisen ta ta be unai fom rua do idia abia. Mani fom ginigunana be September 6 ia do abia lasi neganai, brens opesi dekenai umui siaia. Kopi ma ta be emui faila dekenai umui dogoatao. ITAIA: Bema kongrigeisen rua o toi be Kingdom Hall tamona idia gaukaralaia, vadaeni buka haria kongrigeisen sibona ese unai maduna ia huaia diba.
◼ Namona be Baibel Hadibaia bukana amo stadi ita hamatamaia bona karaia noho—namo lasi Dahaka Ita Karaia? buklet amo stadi ita karaia. To, unai buklet be haroro gaukara dekenai ita hariharilaia diba ela bona idia ore. To, Motu gado korikori dekenai Baibel Hadibaia bukana be lasi dainai, pablisa taudia ese Dirava be E Uramu Dahaka Baita Kara? buklet amo Baibel stadi idia hamatamaia bona karaia noho diba.