Hadibaia Herevadia

◼ Henia gaudia. March: Baibel be Dahaka Ia Hadibaia? bukana hariharilaia. Ita hekwarahi Baibel stadi ita hamatamaia totona. April bona May: Gima Kohorona bona Awake! magasin. Kamonai taudia, bona Memorial o hebouhebou badadia dekenai idia lao, to kongrigeisen heboudia dekenai idia lao lasi taudia, oi lou henia neganai, Baibel be Dahaka Ia Hadibaia? bukana be idia dekenai oi hariharilaia toho. Gau badana be unai buka amo Baibel stadi oi hamatamaia.

◼ Kongrigeisen ese Gima Kohorona bona Awake! magasin matamatadia idia abia neganai, pablisa dekenai idia henidia haraga. Unai amo idia ese magasin idia duahia bona dibaia namonamo guna, bena haroro gaukara lalonai do idia hariharilaia.

◼ Memorial be Tuesday, March 30, 2010 ai do ita karaia. Bema emu kongrigeisen ese Tuesday ai hebou idia karaia, namona be wiki ai dina ma ta ai umui karaia. Bema kongrigeisen momo be Kingdom Hall tamona idia gaukaralaia bona unai kongrigeisen ena hebou ta be wiki ena dina ma ta ai umui karaia diba lasi, vadaeni kongrigeisen ena hebou umui abia lasi be namo. Bema Hesiai Hebou ena kahana haida be mai anina bada kongrigeisen taudia totona, vadaeni Hesiai Hebou gabena dekenai unai umui herevalaia danu.