Hadibaia Herevadia

◼ Henia gaudia. September: Baibel be Dahaka Ia Hadibaia? Oi hekwarahi vadivadi ginigunana ai Baibel stadi oi hamatamaia totona. October: Gima Kohorona bona Awake! magasin. Taunimanima idia kamonai neganai, inai pepapepa Oi Ura Baibel Do Oi Diba Namonamo, A? hariharilaia bona oi hekwarahi Baibel stadi oi hamatamaia totona. November: Baibel be Dahaka Ia Hadibaia? bona buka gunadia. December: Tau Hereadaena bukana hariharilaia. Bema ruma tauna ia gwau ia be mai ena natuna, vadaeni Hadibaia Tauna Badana amo Diba Ita Abia bukana hariharilaia.

◼ Lagani 2011 ena Memorial negana ena spesel pablik tok be April 25, 2011 ai do idia henia. Tok ena ladana be gabeai umui do ai hadibaia. Bema unai wiki lalonai sekit naria tauna ia vadivadi eiava sekit hebouhebou umui abia, vadaeni wiki gabena ai spesel tok do umui karaia diba. April 25 ia do ginidae lasi neganai, kongrigeisen ta ese unai spesel tok ia karaia lasi be namo.

◼ Namona be ta ta o kongrigeisen be dala ia karaia vidio ladana The Bible​—Its Power In Your Life, itaia totona, unai amo umui hegaegae September 13 purana ena Hesiai Hebou ena henanadai bona haere dekenai umui herevalaia totona. DVD dekenai The Bible​—Its Power In Your Life be kahana ihatoina. Kahana ginigunana ena ladana be, The Bible​​—A Book of Fact and Prophecy bona iharuana ena ladana be, The Bible​—Accurate History, Reliable Prophecy.