Hadibaia Herevadia

◼ Henia gaudia. January: Baibel be Dahaka Ia Hadibaia? Oi hekwarahi vadivadi ginigunana ai Baibel stadi oi hamatamaia totona. Bema ruma tauna be unai buka ia abia vadaeni to ia ura lasi stadi, ena lalona ia veria magasin o buklet gunadia oi hariharilaia diba. February: Ruma Bese Ena Moale Havaraia Dalana o Buka Helaga​—Dirava Ena Hereva Eiava Taunimanima Edia? hariharilaia. March: Baibel be Dahaka Ia Hadibaia? Ita hekwarahi vadivadi ginigunana ai Baibel stadi ita hamatamaia totona. Bema ruma tauna be unai buka ia abia vadaeni to ia ura lasi stadi, ena lalona ia veria magasin o buklet gunadia oi hariharilaia diba. April bona May: Gima Kohorona bona Awake! magasin. Taunimanima idia kamonai neganai, inai pepapepa Oi Ura Hereva Momokani Oi Diba, A? hariharilaia bona oi hekwarahi Baibel stadi oi hamatamaia totona. Memorial o hebouhebou badadia dekenai idia lao, to kongrigeisen heboudia dekenai idia lao lasi taudia, oi lou henia neganai, Baibel Hadibaia bukana amo stadi oi hamatamaia toho.

◼ February 1, 2012, ia matamaia neganai, pablik Watchtower ai kahana ta ladana “My Bible Lessons” (Lauegu Baibel Lesen) do ia noho. Unai kahana be tama sina do ia durua edia natudia​—mauri lagani 4 henunai​—idia hadibaia totona, bona nega ta ta ai unai kahana ese kahana rua, “Emui Natudia Hadibaia” bona “Matamata Taudia Totona” edia gabu do ia abia.