Hadibaia Herevadia

◼ Henia gaudia. February: Ruma Bese Ena Moale Havaraia Dalana o Buka Helaga​—Dirava Ena Hereva Eiava Taunimanima Edia? hariharilaia. March: Baibel be Dahaka Ia Hadibaia? Ita hekwarahi vadivadi ginigunana ai Baibel stadi ita hamatamaia totona. Bema ruma tauna be unai buka ia abia vadaeni to ia ura lasi stadi, ena lalona ia veria magasin o buklet gunadia oi hariharilaia diba. April bona May: Gima Kohorona bona Awake! magasin. Taunimanima idia kamonai neganai, inai pepapepa Oi Ura Hereva Momokani Oi Diba, A? hariharilaia bona oi hekwarahi Baibel stadi oi hamatamaia totona. Memorial o hebouhebou badadia dekenai idia lao, to kongrigeisen heboudia dekenai idia lao lasi taudia, oi lou henia neganai, Baibel Hadibaia bukana amo stadi oi hamatamaia toho.

◼ Memorial murinai do idia henia spesel pablik tok ena sinado be: “Oi Laloa Nega Dokona be Kahirakahira Vadaeni Eiava Lasi?”

◼ Bema tano ma ta dekenai lao totona palani oi karaia, to unai tano ena ladana be vanegai hesiai laganina ena ripoti ai ia noho lasi o ena adres be Yearbook matamatana ai ia noho lasi, vadaeni unai tano ai dahaka gaudia dekenai do oi naria namonamo o diba ma haida abia totona, emu brens opesi oi tore henia be namo. Reana unai tano ena gavamani ese Basileia gaukara dekenai taravatu haida ia atoa. (Mat. 10:16) Tano haida dekenai, Witnes taudia o kongrigeisen vadivadi henia be aonega karana lasi. Nega bona gabu idauidau ai haroro o buka bona magasin abia loaloa karana dekenai brens opesi be hakaua hereva haida do ia henia. Bema unai hakaua herevadia oi badinaia, oi lao henia tanona ai oi dekenai o Basileia gaukara dekenai hekwakwanai ta do ia vara lasi.​—1 Kor. 14:33, 40.