Hadibaia Herevadia

◼ Henia gaudia. September bona October: Gima Kohorona bona Awake! magasin. Lou henia oi karaia neganai, Baibel Hadibaia bukana hahedinaraia. To, bema oi itaia ruma tauna ena gado ai Dirava Oi Kamonai Henia o Dirava Oi Kamonai Henia Bena Oi Mauri Hanaihanai buklet oi hariharilaia be namo, vadaeni unai buklet oi hariharilaia diba, bona oi hekwarahi Baibel stadi oi hamatamaia totona. November bona December: Inai pepapepa hariharilaia: Daika ese Tanobada Ia Lohiaia?, Emu Famili Oi Moalelaia, Helaro Namona Mase Taudia Totona, Hisihisi Ibounai Kahirakahira Do Idia Ore!, Iehova​—Ia be Daika?, Iesu Keriso​—Ia be Daika?, Lalometau Taudia Hagoadaia Herevadia, Mauri mai Mainona Tanobada Matamatana Lalonai, Oi Ura Hereva Momokani Oi Diba, A? Bema ruma tauna ia kamonai, Baibel Hadibaia bukana, Dirava Oi Kamonai Henia o Dirava Oi Kamonai Henia Bena Oi Mauri Hanaihanai buklet amo Baibel stadi karaia dalana oi hahedinaraia. January: Ruma tauna ena gado ai Dirava Oi Kamonai Henia o Dirava Oi Kamonai Henia Bena Oi Mauri Hanaihanai buklet oi hariharilaia, bona oi hekwarahi Baibel stadi oi hamatamaia totona. Reana pablisa ese ruma tauna ena lalona veria buklet ta ia hariharilaia diba. Oi lou henia neganai, Baibel Hadibaia bukana oi hariharilaia toho.

◼ International Bible Students Association of Papua New Guinea Incorporated edia lagani ta ta ena Hebou Badana be Saturday, 6 October 2012, 4:00 p.m., brens ofesi dekenai do idia karaia.

◼ January 2013 amo, Tok Pisin gado Kirap! magasin, rau 16 gauna, do idia karaia, bona hua ta ta ai do idia halasia. Unai dainai, kongrigeisen bona grup ibounai ese hari edia oda idia senisia be namo. Guna, Kirap! be hua 4 murinai oi abia, to hari, unai magasin be hua ta ta ai do oi abia dainai, emu oda oi hamaragia be namo. Tok Pisin gado Wastaua, pablik gauna, be hua ta ta ai do ita abia noho. Hiri Motu gado Gima Kohorona, rau 32 pablik gauna, be hua 4 murinai ita abia noho, to hari, ia be rau 16 gauna.