Henanadai Mauana—2

◼ Tama bona sina ese famili stadi ena hora idia ripotilaia diba, a?

Ena be natudia dekenai “Iehova ena matahakani bona sisiba” hadibaia karana be tama ena maduna, to tama sina ruaosi ese natuna idia hadibaia be namo. (Efe. 6:4) Baibel be natudia ia hagoadaia: “Lauegu natuna e, oiemu tamana bona sinana, edia hadibaia hereva do oi kamonai henia.” (Aon. 1:8) Tama sina ese natudia idia hadibaia totona, famili stadi be mai anina bada.

Guna, bema tama be ena bapatiso lasi natudia stadi henia karana ia hakaua, vadaeni tama sibona be unai hora ia ripotilaia, herevana sina danu be stadi lalonai heduru ia henia. To hari, dala matamatana do ita badinaia. Bema famili stadi lalonai tama bona sina be natudia idia hadibaia, vadaeni wiki ta ta ai tama ena ripoti ai hora tamona ia ripotilaia bona sina danu be ena ripoti ai hora tamona ia ripotilaia diba. Vaia, nega momo tama sina be wiki ta ta ai hora haida lalonai edia natudia idia hadibaia. Bona tama sina ese hanaihanai edia natudia idia hadibaia be gau badana. (Deu. 6:6-9) To, namona be tama sina ese hua ta ta ena haroro ripoti ai haroro gaukara ena hora idia ripotilaia danu. Unai dainai, wiki ta ta ai tama bona sina edia ripoti ai famili stadi ena hora tamona idia ripotilaia be namo, herevana wiki ta ta ai nega rua o toi lalonai natudia ibounai o ta ta idia stadi henia o hora tamona idia hanaia. To, Baibel stadi bona lou henia sibona be tama o sina sibona ese do ia ripotilaia.

This is a repeat of article in km 9/08 taken from km-E 9/08