Haroro Ripoti Namona

December 2014 ai, Manus dekenai Rijinol Hebouhebou ginigunana idia karaia. Tadikaka idia moale bada. Momo be hora momo lalonai dingi o motuka amo idia lao. Haida be K1,040.00 idia haboua dingi ena davana totona. Momo be nega ginigunana idia lao, badina guna hebouhebou gabuna be daudau, bona peleini bona bouti davana be bada. Manus ai pablisa be 38 sibona, to hebouhebou idia lao taudia be 206. Momo be kamonai taudia bona Baibel stadi taudia mai edia ruma bese danu. Manus ai hebouhebou idia karaia dainai, tadikaka taihu be mai tai danu Iehova bona Brens ofesi tadikaka idia tanikiu henia.