Emu Natuna Oi Durua Dirava Ia Abidadama Henia Goada Totona

Gau ibounai ese Iehova ena hairai idia hahedinaraia. (Sal 19: 1-4; 139:14) To, Diabolo ena tanobada ena hahediba herevadia (hegeregere, mauri ia matamaia sivaraidia) ese Dirava idia hadikaia. (Rom 1:18-25) Edena dala ai unai lalohadai kereredia be emu natudia edia kudouna bona lalona amo oi kokia diba? Idia maragi negana amo idia oi durua idia abia dae Iehova be ia noho momokani bona idia ia laloa bada. (2Kor 10:4, 5; Efe 6:16) Idia oi noia sikuli ai idia dibaia gaudia idia gwauraia hedinarai, bena iseda buka idauidau amo idia oi durua namonamo diba.​—Aon 20:5; Iam 1:19.

EMU TURADIA BE DAHAKA IDIA GWAU​—DIRAVA HAMOMOKANIA VIDIO HAHEDINARAIA, BENA INAI HENANADAI HAERELAIA:

• Dirava hamomokania karana dekenai momo be dahaka sivarai idia gwauraia?

• Emu sikuli ai dahaka idia hadibaia?

• Edena bamona oi abia dae momokani Iehova be ia noho?

• Edena dala ai ta oi durua bena ia abia dae Dirava ese gau ibounai ia havaraia?