Emui Helaro Dainai Umui Moale

Iseda helaro be dogo ta bamona. (Heb 6:19) Lai gubana o hurehure negadiai dogo ese bouti ia durua hegeregerena, metau negadiai eda helaro ese ita ia durua. (1Tim 1:18, 19) Lai gubana bona hurehure badadia bamona gaudia haida be inai: Lalohisihisi, kohu eiava moni haboioa karana, gorere, eda lalokau tauna ta ia mase, bona eda abidadama idia hadikaia toho gaudia ma haida.

Abidadama bona helaro ese ita ia durua Dirava ese ia gwauhamatalaia hahenamona ita itaia totona. (2Kor 4:16-18; Heb 11:13, 26, 27) Unai dainai, herevana ita be guba helarona o tanobada helarona ita abia, to namona be hanaihanai Baibel ai Dirava ena gwauhamata idauidau ita lalodia dobu. Bena, ena be hahetoho ita davaria dainai ita lalohisihisi, to do ita moale.​—1Pet 1:6, 7.

HELARO DAINAI UMUI MOALE VIDIO ITAIA, UNAI MURINAI HENUNAI IDIA NOHO HENANADAI HAERELAIA:

• Dahaka dainai Mose ena haheitalai namona oi tohotohoa be namo?

• Ruma bese kwaradia edia maduna be dahaka?

• Ruma Bese ena Tomadiho lalonai dahaka topik umui stadilaia diba?

• Helaro ese edena dala ai oi ia durua hahetoho idauidau oi haheaukalaia totona?

• Oi ura dahaka hahenamo do oi itaia?