Haroro Hanamoa Daladia—Henanadai Gaukaralaia Namonamo

DAHAKA DAINAI MAI ANINA BADA: Bema “taunimanima edia laloa gaudia be hunia, ranu dobuna bamona,” vadaeni henanadai be baketi ta bamona ita gaukaralaia edia lalona ai ia noho gaudia ita dibaia totona. (Aon. 20:5) Henanadai ese kamonai taudia ia durua hereva idia laloa noho totona. Henanadai namodia edia haere amo gau haida ita dibaia diba. Iesu ese henanadai ia gaukaralaia namonamo. Edena dala ai ia ita tohotohoa diba?

KARAIA DALADIA:

• Lalona Veria Henanadaidia Oi Henia. Iesu ese mai anina bada henanadai namodia ia henia ena hahediba taudia edia lalohadai ia diba totona. (Mat 16:13-16; be 238 par. 3-5) Edena lalona veria henanadai haida oi henia diba?

• Henanadai maorodia oi henia. Petero ena lalohadai hamaoromaoroa totona, Iesu be henanadai haida ia henia unai amo Petero sibona ese unai henanadai amo lalohadai maorona ia abia. (Mat 17:24-26) Dahaka henanadai oi gaukaralaia diba ta oi durua haere maorona ia abia totona?

• Kamonai tauna oi hanamoa. Taravatu hadibaia tauna be “mai aonega ida ia haere” murinai, Iesu ese ia hanamoa (Mar 12:34) Edena dala ai henanadai ta ena haere ia henia tauna oi hanamoa diba?

VIDIO ENA KAHANA GINIGUNANA IESU IA KARAIA GAUKARANA ITA KARAIA—HADIBAIA ITAIA MURINAI, HENUNAI IA NOHO HENANADAI HAERELAIA:

• Dahaka dainai inai hadibaia dalana ena haheitalai be hadibaia dalana maorona lasi, ena be hereva ibounai be maoro?

• Dahaka dainai gau ta ita herevalaia sibona lasi to gau ma haida ita karaia danu be namo?

VIDIO ENA KAHANA IHARUANA ITAIA MURINAI, BENA INAI HENANADAI HAERELAIA:

• Edena dala ai tadikaka be henanadai ia gaukaralaia namonamo?

• Iena hadibaia dalana amo dahaka kara ma haida ita tohotohoa diba?