Iehova Ena Hahenamo Idia Abia

8:6-9, 12; 9:1-5, 23, 24

Arona bona ena natudia idia abia hidi hahelaga gaukara do idia karaia neganai, gabua ore boubouna ginigunana ai Iehova ese lahi ia siaia diho bona boubou gaudia ibounai ia gabua ore. Unai ese ia hahedinaraia Iehova ena lalonamo idia abia bona idia do ia durua. Iehova ese Israela taudia ia hagoadaia unai hahelaga taudia idia durua totona. Hari, Iehova ese Hahelaga Tauna Badana Iesu Keriso ia gaukaralaia noho. (He 9:11, 12) Lagani 1919 ai, Iesu ese horoa taudia edia orea maragina ia abia hidi, ia gwauraia “igui hesiai tauna mai ena kamonai bona mai ena kara maoromaoro.” (Mt 24:45) Dahaka ese ia hamomokania igui hesiai tauna mai ena kamonai be Iehova ese ia hanamoa, durua, bona lalonamo henia noho?

• Ena be dagedage bada ia davaria, to igui hesiai tauna mai ena kamonai be iseda abidadama ia hagoadaia gaudia ia henia noho

• Baibel ena peroveta hereva hegeregerena, sivarai namona be “tanobada ibounai dekenai” idia harorolaia noho.​—Mt 24:14.

Edena dala ai igui hesiai tauna mai ena kamonai bona mai ena kara maoromaoro ita durua diba?