Emu Headava Oi Gimaia

Iehova dekenai headava gwauhamata be mai anina bada. Ia gwau headava tau bona hahine idia gaukara hebou be namo. (Mt 19:5, 6) Iehova ena taunimanima huanai, headava tau bona hahine momo be edia headava idia moalelaia. To, headava taudia be goevadae lasi dainai hekwakwanai idia vara diba. Momo ese idia abia lalohadaina oi badinaia lasi, idia laloa hekwakwanai idia vara neganai, edia headava idia hadokoa be namo. Edena dala ai Keristani taudia ese edia headava idia gimaia diba?

Mani inai dala faiv oi laloa.

1. Ma ta hauraia kava bona matabodaga laulau itaia karana oi dadaraia, badina unai ese emu headava ia hadikaia diba.​—Mt 5:28; 2Pe 2:14.

2. Emu hetura karana Iehova ida oi hagoadaia bona emu headava lalonai oi karaia gaudia amo Iehova oi hamoalea.​—Sa 97:10.

3. Namona be emu kara oi hamatamataia noho bona gau maragidia dekenai kara namodia oi hahedinaraia, unai ese emu adavana ia hamoalea diba.​—Kl 3:8-10, 12-14.

4. Emui herevahereva lalonai hemataurai karana umui hahedinaraia.​—Kl 4:6.

5. Headava tau bona hahine ese idia moalelaia karadia idia karaia neganai, ta ta edia hemami idia laloa be namo.​—1Ko 7:3, 4; 10:24.

Keristani taudia ese headava idia matauraia neganai, headava ia Havaraia Tauna, Iehova, idia matauraia.

VIDIO LADANA, NAMONA BE ITA “HEAU MAI HAHEAUKA IDA”​—TARAVATU BADINADIA ITAIA, BENA INAI HENANADAI HAERELAIA:

• 

  Ena be matamanai headava do ia namo, to dahaka hekwakwanai idia vara diba?

• 

  Bema headava lalonai lalokau be lasi, edena dala ai Baibel ena hakaua herevadia ese idia ia durua diba?

• 

  Iehova ese headava taudia totona dahaka taravatu ia henia?

• Headava ia namo totona, tau bona hahine be dahaka idia karaia be namo?