Lalohekwarahi be Dahaka?

Lalohekwarahi ia vara diba bema gaukara momo oi karaia, eiava hekwakwanai badana ta ia vara. Emu harana ese kemikol (hormone) momo ia siaia lao emu tauanina ena kahana ibounai dekenai. Inai ese emu heart rate ia habadaia, emu blood pressure ia biagua, do oi hahodi haragaharaga bona emu masolo do idia auka. Bema oi dekenai unai ia vara, emu tauanina be do ia noho hegaegae gaukara ia karaia totona. Oi lalohekwarahilaia gauna ta ia ore neganai, do oi laloa namonamo diba.

LALOHEKWARAHI ENA NAMO BONA DIKA

Lalohekwarahi be vaia ia vara hemamina ta, ia be hekwakwanai eiava dika idia vara negadiai, oi do ia hegaegaelaia. Lalohekwarahi hemamina be harana dekenai ia matamaia guna. Lalohekwarahi namona be oi dekenai goada ia henia, oi karaharaga totona. Lalohekwarahi haida ese oi ia durua diba emu tahua gaudia oi abia eiava gau ta oi karaia namonamo totona, reana emu eksam ai, gaukara ena intaviu ta, eiava spot gadara ta.

To, nega daudau lalonai idia vara lalohekwarahi, ese oi ia hadikaia diba. Hanaihanai oi lalohekwarahi neganai, emu tauanina, hemami, emu laloa dalana ai, hisihisi do ia havaraia. Emu kara, bona ma haida oi kara henia dalana do ia idau. Taunimanima be lalohekwarahi idia hanaia totona, alkahol idia inua momo, drag idia ania, muramura idia inua kava, idia aniani momo, kuku idia ania bona kara dikadia ma haida idia karaia. Unai ese idia dekenai lalohisihisi ia havaraia, edia goada ibounai ia haorea, eiava sibona hamasea lalohadaina idia abia.

Taunimanima ibounai be dala idauidau ai lalohekwarahi idia abia sibona lasi, to idia dekenai gorere idauidau ia havaraia diba. Bona unai ese tauanina ena kahana ibounai dekenai hisihisi idauidau ia havaraia.