Lauma Taudia Milioni Momo

Baibel ia gwau lauma taudia momo idia noho. Iehova danu be lauma ta.​—⁠Ioane 4:24; 2 Korinto 3:17, 18.

Gunaguna Iehova sibona ia noho. Bena ia ese lauma taudia ladana aneru ia havaradia. Edia goada bona edia diba ese taunimanima edia idia hanaia. Iehova ese aneru momo ia havaradia; matahanai ta lalonai Dirava ena hesiai tauna Daniela ese aneru milioni momo ia itadia.​—⁠Daniela 7:10; Heberu 1:7.

Unai aneru be Dirava ese ia havaradia, tanobada ia do karaia lasi neganai. (Iobu 38:4-7) Idia ta lasi be guna tanobada dekenai ia noho bena ia mase.