Dirava Momokanina be Daika?

Dirava momokanina be tamona, bona ena ladana be Iehova. (Salamo 83:18) Ia be Lauma Tauna ta; guba ai ia noho, bona ita itaia diba lasi. Ia be ita ia lalokau henia bona ia ura ita danu ia ita lalokau henia. Danu, Ia ura ita ese ma haida ita lalokau henidia. (Mataio 22:35-40) Ia be Siahu Ibounai Diravana bona gau ibounai ia havaraia.

Dirava ese ia havaraia tauna ginigunana be lauma tauna ta mai goadana, bona gabeai, tanobada ai, taunimanima ese ena ladana idia gwauraia Iesu Keriso. Iehova ese aneru momo ia karaia danu.

Iehova ese gau ibounai ia havaraia guba ai . . . bona tanobada dekenai. Apokalupo 4:11

Iehova Dirava ese hisiu idauidau, tanobada, bona ia lalonai idia noho gaudia iboudiai ia havaraia.​—Genese 1:1.

Ia ese tau ginigunana, Adamu, be tano ena kahu amo ia karaia.​—Genese 2:7.