KAHANA 4

Satani Idia Kamonai Henia Dainai, Dahaka Ia Vara?

Adamu bona Heva be Dirava idia kamonai henia lasi dainai idia mase. Genese 3:6, 23

Heva be taravatu au huahuana ia ania bona Adamu dekenai haida ia henia

Heva ese gaigai ia kamonai henia, bena au huahuana ia ania. Unai murinai, Heva ese unai au huahua taina be Adamu ia henia bena ia ania.

Adamu bona Heva be edia gabu namona, Paradaiso idia rakatania

Unai bamona idia karaia be Dirava gwau-edeede henia karana—⁠unai be kara dikana. Dirava ese edia Paradaiso umana amo ia luludia.

Adamu bona Heva idia buruka bena gabeai idia mase

Idia bona natudia ese edia mauri idia moalelaia lasi. Idia buruka bona idia mase. Idia be guba o gabu ma ta dekenai idia lao lasi, to tanobada ai idia ore vaitani.

Mase taudia edia tauanina be tano dekenai ia giroa lou. Genese 3:19

Tano idauidau taudia be nega idauidau ai idia noho

Ita ibounai ita mase badina ita be Adamu bona Heva edia bese taudia. Mase taudia be gau ta idia itaia lasi, idia kamonai lasi, o gau ta idia karaia lasi.—⁠Hadibaia Tauna 9:5, 6, 10.

Kekeni ta ia mase bona ena famili idia lalohisihisi

Iehova ia ura lasi taunimanima do idia mase. Kahirakahira, Iehova ese mase taudia do ia hatoredia isi lou. Bema idia ese Dirava idia kamonai henia, do idia mauri hanaihanai.