Iesu Ena Mase Ena Anina Oi Dekenai be Dahaka?

Iesu ia mase, unai amo mauri hanaihanai do ita abia. Ioane 3:16

Iesu ia mase bena dina toi murinai, hahine haida be iena guria gabuna dekenai idia lao, to unuseniai Iesu ena tauanina idia davaria lasi. Iehova ese Iesu be mase amo ia hatorea isi vadaeni.

Gabeai, Iesu be ena aposetolo taudia dekenai ia hedinarai.

Oibe, Iehova ese Iesu dekenai tanobada tauanina ia henia lasi, to ita itaia diba lasi tauanina matamata ta ia henia, aneru edia bamona. Iesu ena hahediba taudia idia itaia noho lalonai, Iesu be guba dekenai ia daekau lao.

Dirava ese Iesu be mase amo ia hatorea isi bena Dirava ena Basileia ena King ai ia halaoa. Daniela 7:13, 14

Iesu ese ena mauri ia henia, taunimanima edia mauri davana karaia totona. (Mataio 20:28) Unai mauri davana dainai, Dirava ese dala ia kehoa mauri hanaihanai ita abia totona.

Iehova ese Iesu be King ai ia halaoa, tanobada ia lohiaia totona. Ia do idia durua taudia be 144,000; unai abidadama taudia 144,000 be tanobada amo idia toreisi lou bona guba ai idia mauri hanaihanai. Iesu bona 144,000 taudia be kara maoromaoro guba gavamanina​—⁠Dirava ena Basileia​—⁠do idia lohiaia.​—⁠Apokalupo 14:1-3.

Dirava ena Basileia ese tanobada be paradaiso ai do ia halaoa. Tuari, raskol karadia, ogogami, bona hitolo do idia ore. Taunimanima be mauri namona do idia moalelaia.​—⁠Salamo 145:16.