Introduction to Section 12

Iesu ese taunimanima dekenai guba Basileia ia hadibaia. Danu idia ia hadibaia Dirava ena ladana idia hahelagaia, ena Basileia do ia mai, bona ena ura tanobada ai ia vara totona do idia guriguri. Bema oi be tama o sina, emu natuna dekenai unai guriguri ena anina oi herevalaia. Iesu be ena badinaia karana ia gimaia dainai Satani ese ia hadikaia lasi. Iena aposetolo taudia ia abia hidi, bona idia be Basileia ena memba ginigunadia ai idia lao. Iesu ese tomadiho momokani ia ura henia karana oi itaia. Iesu ese gorere taudia ia hanamoa, hitolo taudia ia ubua, bona mase taudia ia hamauria lou, badina ia ura taunimanima ia durua. Dirava ena Basileia ese taunimanima totona do ia karaia gaudia be ia karaia hoa karadia amo ia hahedinaraia.