HEREVA HAIDA HEBOU TAUDIA TOTONA

HEBOU HAIDA

BETELE GAUKARA Bapatiso pablisa taudia edia mauri lagani be 35 henunai, bema idia ura Betele gaukara do idia karaia, namona be idia hegaegae Friday adorahi ai Betele hebouna dekenai do idia mai. Bema unai hebou do idia karaia, ena gabu bona nega do idia gwau-raia hedinarai guna.

BASILEIA EVANELIA SIKULI Painia gaukara idia karaia taudia edia mauri lagani be 23 bona 65 huanai, bema idia ura edia haroro gaukara do idia habadaia, namona be idia hegaegae Sunday adorahi ai Basileia Evanelia Sikuli hebouna dekenai do idia mai. Bema unai hebou do idia karaia, ena gabu bona nega do idia gwauraia hedinarai guna.

ATENDAN TAUDIA Atendan taudia edia gaukara be oi do idia durua. Mani idia oi kamonai henia bona idia gwauraia gabudia dekenai emu motuka oi atoa, oi raka, bona oi helai.

BAPATISO Bapatiso idia abia gwauraia taudia edia helai gabudia be platfom vairanai idia makaia. Namona be Saturday daba ai bapatiso herevana ia do matamaia lasi neganai, bapatiso idia abia gwauraia taudia be idia totona ai makaia gabuna dekenai idia helai. Idia ta ta ese edia tauele bona mai hemataurai digudigu dabuadia do idia mailaia be namo.

HEREVA HAIDA HEBOU TAUDIA TOTONA

KONTRIBUSEN Hebouhebou ena helai gaudia, saun gaudia, vidio gaudia bona gau idauidau totona, moni sisina bada idia negea. Unai gaudia ese ita idia durua hebouhebou ita moalelaia bona Iehova kahira-kahira ita lao totona. Oiemu kontribusen be heduru gauna unai gau-dia edia davana karaia totona bona tanobada hegegemadai gauka-rana ia durua danu. Unai totona, hebouhebou ena gabu idauidau idia makaia vadaeni kontribusen mauadia idia atoa. Hakaua Oreana ese kontribusen iboudiai ia laloa bada bona idia ura oi idia tanikiu henia Basileia durua totona oi henia monina dainai.

MEDIKOL HEDURU Laloatao, inai be HARIHARI bero o gorere badadia idia davaria taudia Sibona Durua Haraga Gabuna.

BOIO GAUDIA Mani oi davaria gaudia ibounai be Boio Gaudia Dipatmen dekenai do oi abia lao. Bema gau ta oi haboioa, inai gabu dekenai do oi lao bona oi tahua. Tama sina amo ia raka boio natuna maragi-na bema oi davaria, mani inai gabu dekenai do oi hakaua lao. To, ia be natudia naria gabuna lasi. Mani emui natudia umui naria namo-namo, bona nega ibounai umui danu idia noho be namo.

HELAI GAUDIA Mani taunimanima haida edia namo oi laloa. Laloaboio lasi, emu ruma bese, oi danu idia mai taudia, o emu Baibel stiuden tauna totona sibona, helai gaudia oi abia hegaegae diba. Mani oiemu kohu be oi badinai idia noho helai gaudia latanai oi atoa lasi.

VOLANTIA GAUKARA Bema oi ura hebouhebou gaukarana oi durua, mani Infomeisen bona Volantia Gaukara Dipatmen oi hadibaia.