Lalokau Bona Hebogahisi Hahedinaraia

1 Tesalonika 2:7, 8

POINT BADANA: Mai momokani ida oi hereva, bona kamonai taudia dekenai oi hahedinaraia idia oi lalokau henia bona oi laloa bada.

KARAIA DALANA:

• Kamonai taudia oi laloa. Emu kudouna oi hegaegaelaia totona, namona be kamonai taudia ese idia davaria hekwakwanai o metau oi laloa. Edia hemami oi laloa danu be namo.

• Hereva maorodia oi gaukaralaia. Oi ura emu tok amo kamonai taudia oi durua bona hagoadaia. Haida hahisia o idia hahemaraia diba herevadia oi gaukaralaia lasi, bona namo lasi Witnes lasi taudia o idia abia dae herevadia oi gwauraia dika.

• Oi hahedinaraia ma haida edia namo oi laloa bada. Emu gado ena regena bona nega maorona ai emu imana oi gaukaralaia karana amo oi hahedinaraia kamonai taudia oi laloa bada. Danu, emu vaira ena toana amo unai oi hahedinaraia; nega momo oi kiri be namo.