HAHEDIBA TAUDIA AI HALAOA
LESENI 12
Oi Lalogoada
Hakaua Hereva: “Dehoro bona bonana namo muramura ese ta ena kudouna ia hamoalea, unai hegeregerena mai momokani ida sisiba henia karana ese hetura karana namona ia havaraia.”—Aon. 27:9.
Iesu ese Ia Karaia Gauna
1. VIDIO itaia, eiava Mareko 10:17-22 duahia. Bena inai henanadai oi laloa:
Iesu ese tau matamata dekenai dahaka kara namodia ia itaia?
Iesu ese unai tau matamata ia sisiba henia totona, dahaka dainai lalokau bona lalogoada ia hahedinaraia be namo?
Iesu amo Dahaka Ita Dibaia?
2. Mai lalokau ida ita hereva be namo, to stiuden dekenai ita hahedinaraia namonamo dahaka do ia karaia Iehova kahirakahira ia lao totona.
Iesu Tohotohoa
3. Emu stiuden oi durua bona iena tahua gaudia ia hagugurua.
Mauri Moalelaia Hanaihanai! bukana ena leseni ta ta ai idia noho “Tahua Gauna” oi gaukaralaia.
Emu stiuden oi durua unai amo, nega kwadogina lalonai eiava nega daudau lalonai do ia hagugurua tahua gaudia ia lalopararalaia.
Bema stiuden be ia goada ia lao noho, namona be ia dekenai hanamoa herevadia oi gwauraia.
4. Emu stiuden dekenai ia vara koua gaudia oi dibaia bona unai ia hanaia totona oi durua.
Sibona oi nanadaia:
‘Dahaka gaudia ese egu stiuden ia koua dainai ia bapatiso lasi?’
‘Dahaka do lau karaia ia lau durua totona?’
Lalogoada totona oi guriguri, unai amo do umui hereva namonamo bona emu stiuden do ia diba dahaka ia karaia be namo.
5. Stiuden ena stadi do oi hadokoa negana.
Emu Baibel stiuden be ia goada ia lao noho o lasi, oi diba totona sibona oi nanadaia:
‘Egu Baibel stiuden be ia dibaia gaudia ia badinaia noho, a?’
‘Kongrigeisen heboudia ia lao bona hereva momokani be ma haida dekenai ia herevalaia, a?’
‘Bema ia be nega daudau ia stadi, ia ura Iehova ena Witnes tauna ta ai ia lao, a?’
Bema Baibel stiuden be senisi ta ia karaia lasi:
Ia ia koua noho gaudia ia laloa totona oi henanadai.
Mai gado namo ida iena stadi do oi hadokoa ena badina be ia dekenai oi herevalaia.
Ia oi hadibaia, dahaka senisi ia karaia guna be namo, unai amo stadi do umui hamatamaia lou.