Gima Kohorona INTANET LAIBRI
Gima Kohorona
INTANET LAIBRI
Hiri Motu
  • BAIBEL
  • PABLIKEISEN
  • HEBOUDIA
  • w88 6/1 rau 8-9
  • Sabati Dinana ai Uiti ena Anina Idia Kokia

Oi abia hidi kahana ena vidio ia noho lasi.

Sori, hekwakwanai ia vara vidio ia loud totona.

  • Sabati Dinana ai Uiti ena Anina Idia Kokia
  • 1988 Gima Kohorona Iehova Ena Basileia Ia Harorolaia
  • Inai Bamona Atikol
  • Sabati Dinana ai Uiti ena Anina Idia Kokia
    Tau Hereadaena
  • Sabati ai Witi Idia Kokia
    Iesu—Dala, Hereva Momokani, Mauri
  • Sabati
    Buka Helaga Herevalaia
  • Sabati ai Dahaka be Taravatu Lasi?
    Iesu—Dala, Hereva Momokani, Mauri
Ma Haida Itaia
1988 Gima Kohorona Iehova Ena Basileia Ia Harorolaia
w88 6/1 rau 8-9

Iesu ena Mauri bona Gaukara

Sabati Dinana ai Uiti ena Anina Idia Kokia

IESU bona ena hahediba taudia be Ierusalem idia rakatania gwauraia, Galilea idia lou henia totona. Gara lou negana unai, bona uiti ese anina ia atoa vadaeni. Hahediba taudia idia hitolo, unai dainai uiti ena anina idia kokia bona idia ania. To unai be Sabati dinana dainai, haida ese edia kara idia raraia.

Tomadiho gunalaia taudia Ierusalem dekenai ese dala idia tahua Iesu idia hamasea totona, badina idia gwau ia ese Sabati taravatuna ia utua. Hari idia ese Iesu idia samania, idia gwau: “Itaia, oiemu diba tahua taudia be karaia lasi gaukara Sabati dinana dekenai idia karaia.”

Farisea taudia idia gwau, uiti ena anina kokia bena imana dekenai dahua, ania totona, be uiti gogoa bona kwadia gaukarana. To edia lalohadai unai kara Sabati dinana ai karaia karana dekenai ese taunimanima ia hametaudia, to Dirava ena ura be Sabati be moale negana, lauma dalanai ia hagoadadia negana. Unai dainai Iesu ese Bible ena hereva haida ia gwauraidia, unai amo do idia diba Iehova Dirava ia ura lasi unai bamona lalohadai Sabati taravatuna dekenai idia abia.

Iesu ia gwau, David mai ena orea taudia ida idia hitolo neganai, dubu dekenai idia lao bona paraoa helagana idia ania. Ena be unai paraoa be Iehova vairana amo idia kokia vadaeni bona paraoa matamatadia idia atoa vadaeni, to edia kara be hahelaga taudia sibodia ese unai paraoa do idia ania. To, David bona ena orea taudia idia hitolo mase dainai, unai paraoa idia ania dainai idia gwauraidia dika lasi.

Iesu ese ma haheitalai ta ia gwauraia, ia gwau: “Taravatu dekenai umui duahia lasi, a, Sabati dinana dekenai dubu naria taudia ese Sabati dinana ena taravatu idia makohia, to idia be kerere lasi?” Oibe, Sabati dinana ai, dubu dekenai hahelaga taudia ese animal idia aladia mase bona ma gaukara haida idia karaia, boubou totona idia hahegaegaelaidia totona! Iesu ia gwau: “Umui lau hamaoroa, iniseniai tau ta be Dubu Helaga ia hanaia.”

Iesu ese Farisea taudia ia sisiba henidia, ia gwau: “Inai hereva umui laloa, ‘Lau be bogahisihisi henia kara lau ura, boubou gauna be lau laloa lasi.’ Bema inai hereva ena anina umui diba, umui be kerere lasi taudia do umui gwauraia kerere diba lasi. Badina be Taunimanima ena Natuna be Sabati ena biaguna.” Iesu ena hereva ena anina be dahaka?

Iesu be ena maino lohia negana, lagani 1,000 ai Basileia lalonai do ia lohia negana, ia gwauraia. Lagani 6,000 lalodiai, Satana Diabolo ena siahu henunai taunimanima idia hisihisi noho, bona dagedage bona tuari idia vara. To Keriso ena lohia negana be sabati negana, unai neganai hisihisi bona kara dika amo taunimanima do idia laga-ani. Mataio 12:​1-8; Levitiko 24:​5-9; 1 Samuel 21:​1-6; Numera 28:9; Hosea 6:6.

◆ Dahaka dainai Iesu ena hahediba taudia idia samania, bona Iesu be edena bamona ia haere henidia?

◆ Iesu ia gwau Farisea taudia edia lalohadai kererena be dahaka?

◆ Iesu be “Sabati ena biaguna” ena anina be dahaka?

    Hiri Motu Pablikeisen (1987-2025)
    Log aut
    Login
    • Hiri Motu
    • Ta dekenai siaia
    • Preferens
    • Copyright © 2025 Watch Tower Bible and Tract Society of Pennsylvania
    • Gaukaralaia Taravatudia
    • Privacy Policy
    • Privacy Settings
    • JW.ORG
    • Login
    Ta dekenai siaia