Iseda Matamata Taudia Totona

Dirava Ena Gwauhamata Ia Abidadama Henia Tauna Ta

Karaia Dalana: Inai eksasais be regerege lasi gabunai oi karaia. Baibel siridia oi duahia neganai, namona be oi laloa oi be unai sivarai lalonai oi noho bamona. Dahaka oi itaia? Daidia idia hereva? Edia hemami be edena bamona?

SIVARAI OI LALOHADAILAIA.​​—⁠GENESE 12:​1-4; 18:​1-​15; 21:​1-5; 22:​15-​18 DUAHIA.

Dirava ia gwauhamata Aberahamo be garana ta ena tubuna ai do ia lao bona unai garana dainai tanobada besedia be namo do idia davaria. Aberahamo be unai ia kamonai neganai ena hemami be edena bamona?

․․․․․

Genese 18:2 ai Aberahamo idia vadivadi henia tatau toi edia toana be edena bamona?

․․․․․

Genese 18:​6-8 ai ia vara karana be edena bamona oi laloa? (Laloatao unai negai Aberahamo ena mauri lagani be 100.)

․․․․․

OI TAHUA GAUDIA MA HAIDA.

Iehova ese Aberahamo dekenai natuna ta ia gwauhamatalaia negana bona Isako ia vara negana edia daudau be edena bamona? (Genese 12:4 bona 21:5 duahia lou.)

․․․․․

Aberahamo be Iehova ena gwauhamata idia guguru negana ia naria lalonai, Iehova be nega idauidau ai dahaka ia gwauraia? (Genese 12:7; 13:​14-​17; 15:​1-5, 12-​21; 17:​1, 2, 7, 8, 15, 16 duahia.)

․․․․․

Aberahamo be natuna mero ta do ia abia karana ia daradaralaia neganai, Iehova be dahaka ia karaia? (Genese 15:​3-5, 12-​21 duahia lou.)

․․․․․

Edena dala ai Iehova ese unai garana dekenai do ia vara gaudia be metairametaira ia hahedinaraia?

․․․․․

OI DIBAIA GAUDIA MA HAIDA. HENUNAI HEREVADIA DEKENAI OI DIBAIA GAUNA OI TOREA . . .

Dirava ena gwauhamata oi abidadama henia be namo.

․․․․․

Iehova ena ura be metairametaira ia hahedinaraia dalana.

․․․․․

INAI SIVARAI LALONAI, EDENA KAHANA BE OI URA HENIA BADA, BONA DAHAKA DAINAI?

․․․․․