Matamata Taudia Totona

Dirava be Taunimanima Edia Toana Ia Laloa Lasi

Karaia Dalana: Inai eksasais be regerege lasi gabunai oi karaia. Baibel siridia oi duahia neganai, namona be oi laloa oi be unai sivarai lalonai oi noho bamona. Dahaka oi itaia? Daidia idia hereva? Edia hemami be edena bamona?

Sivarai lalonai ia herevalaia taudia: Korenelio, Petero

Hereva badana: Petero ese Idau Bese tauna, Korenelio, ia haroro henia amo Dirava ena kara, taunimanima edia toana laloa lasi karana, ia tohotohoa.

1 SIVARAI OI LALOHADAILAIA.​—KARA 10:​1-35, 44-48 DUAHIA.

Korenelio ena toana be edena bamona?

․․․․․

Siri 3 ia lao 6 ai, Korenelio be aneru ida ia herevahereva neganai, ena hemami be edena bamona?

․․․․․

Siri 7 bona 8 ese ia herevalaia bamona, oi laloa Korenelio bona ena hesiai taudia be dahaka gaudia idia herevalaia?

․․․․․

2 OI TAHUA GAUDIA MA HAIDA.

Siri 10 ia lao 16 ai, dahaka dainai Petero dekenai ia vara gauna ese ita ia durua bada? (Lalohadai abia totona: Siri 14 ese ia herevalaia bamona, Petero be Iuda tauna dainai, ena noho dalana oi laloa.)

․․․․․

Siri 25 ai, Korenelio be dahaka kara ia hahedinaraia? Dahaka dainai dagi bada tauna ta be unai bamona kara ia hahedinaraia lasi? (Lalohadai abia totona: Siri 1 itaia.)

․․․․․

Iehova ena Witnes taudia edia buka amo tahua karana oi karaia, bona oi itaia Korenelio be Italia ena tuari taudia hida ia lohiaia?

․․․․․

Dahaka dainai Korenelio be ena kara ia haidaua be mai anina bada?

․․․․․

3 OI DIBAIA GAUDIA BADINAIA. HENUNAI HEREVADIA DEKENAI OI DIBAIA GAUNA OI TOREA . . .

Haheitalai gaukaralaia namonamo.

․․․․․

Dirava be taunimanima edia toana ia laloa lasi.

․․․․․

Edena dala ai oi danu ese taunimanima edia toana oi laloa lasi?

․․․․․

4 INAI SIVARAI LALONAI, EDENA KAHANA BE OI URA HENIA BADA, BONA DAHAKA DAINAI?

․․․․․

BAIBEL IDIA HEREVALAIA BUKADIA MA HAIDA BE WEB SAIT LADANA, www.watchtower.org