Matamata Taudia Totona

Hebamo Dikana Dadaraia!

Karaia Dalana: Inai eksasais be regerege lasi gabunai oi karaia. Baibel siridia oi duahia neganai, namona be oi laloa oi be unai sivarai lalonai oi noho bamona. Dahaka oi itaia? Daidia idia hereva? Edia hemami be edena bamona?

Sivarai lalonai ia herevalaia taudia: Daina, Sekema, Iakobo, Simeona, bona Levi

Hereva badana: Daina be Sekema ese ia hadikaia, bona ena tadikaka idia badu dikadika dainai, unai dika davana idia henia.

1 SIVARAI OI LALOHADAILAIA.​—GENESE 34:​1-31 DUAHIA.

Daina be Kanana dekenai ia bamoa taudia dainai, edena bamona karadia lalonai ia vareai diba?

․․․․․

Dahaka dainai Sekema be Daina dekenai “lalona hanamoa” herevadia ia gwauraia?

․․․․․

Siri 30 lalonai, Iakobo be Simeona bona Levi ia gwau henidia neganai, ena hemami be edena bamona?

․․․․․

2 OI TAHUA GAUDIA MA HAIDA.

Dahaka dainai oi laloa, Daina be hanaihanai Kanana kekenidia ia vadivadi henia? (Hegeregere, Daina bona unai kekeni be dahaka dekenai idia lalotamona? Daina ese Kanana taudia dekenai dahaka ia itaia, to ena ruma ai unai ia itaia lasi?)

․․․․․

Daina ese reana Sekema dekenai dahaka kara namodia ia itaia? (Siri 3, 12, bona 19 duahia lou.)

․․․․․

Edena dala ai Baibel ese ia hahedinaraia Daina ia ura lasi Sekema ida ia mahuta hebou? (Siri 2 duahia lou.)

․․․․․

Oi laloa Simeona bona Levi ese Sekema ena hanua taudia idia alaia mase karana be maoro, a? Dahaka dainai?

․․․․․

3 OI DIBAIA GAUDIA MA HAIDA. HENUNAI HEREVADIA DEKENAI OI DIBAIA GAUNA OI TOREA . . .

Mai aonega ida bamodia oi abia hidi.

․․․․․

Sibona oi biagua be namo, ena be badina maorona dainai oi badu.

․․․․․

HEREVA MA HAIDA.

Dirava ena taravatu idia diba lasi taudia be oi dekenai matabodaga karadia idia karaia lasi totona, dahaka oi karaia diba?

․․․․․

4 INAI SIVARAI LALONAI, EDENA KAHANA BE OI URA HENIA BADA, BONA DAHAKA DAINAI?

․․․․․

Baibel idia herevalaia bukadia ma haida be web sait ladana, www.watchtower.org