Baibel Be Dahaka Ia Gwau?

Dirava ese hisihisi ia havaraia, a?

Edena bamona do oi haere?

• Oibe

• Lasi

• Reana

Baibel be dahaka ia gwau

“Dirava be nega ta do ia kara dika diba lasi. Siahu Ibounai Dirava be do ia kerere lasi, lasi bona lasi momokani.” (Iobu 34:10) Inai tanobada ai idia vara dika bona hisihisi ibounai be Dirava ese ia havaraia lasi.

Baibel amo do ita dibaia gaudia ma haida be dahaka?

• Satani Diabolo, “tanobada ena lohia tauna” be hisihisi ibounai ia havaraia.​—Ioane 14:30.

• Taunimanima be edia abia hidi kereredia dainai hisihisi bona dika idia davaria.​—Iamesi 1:14,15

Hisihisi do idia ore, a?

Taunimanima haida idia gwau idia vara noho hisihisi ibounai be taunimanima ese do idia kokia, ma haida idia itaia inai tanobada oromana be ia idau noho. Dahaka oi laloa?

Baibel ia gwau

Dirava ese hisihisi do ia haorea. “Mase be do ia ore, bona lalohisihisi, taitai, bona hisihisi danu be do idia ore.”​—Apokalupo 21:3, 4.

Baibel amo ita dibaia gaudia ma haida be dahaka?

• Dirava ese Iesu do ia gaukaralaia Diabolo ese ia havaraia hisihisi ibounai ia haorea totona.​—1 Ioane 3:8.

• Kara maoromaoro taudia be tanobada ai mai maino ida do idia noho.​—Salamo 37:9-11, 29.