Heduru Ia Noho!
Dirava ena Hereva ena heduru amo, sibona eda hekwakwanai ita hanamoa neganai mamina namona ita abia. Tadikaka momo be guriguri bona sibodia edia stadi karana amo kahirakahira edia hekwakwanai ibounai idia hanamoa diba. Reana taunimanima haida ese iseda hekwakwanai idia diba vadaeni, to Iehova ia diba momokani bona ita ia boiria ia dekenai ita lao heduru abia totona. (Heb. 4:16; Iam. 1:2-5: Gima Kohorona, September 15, 1992, rau 14-18) The Watch Tower Publications Index, bona Gima Kohorona bona lagani ta ta edia Awake! ginigabena lalonai, heduru abia totona sivarai ta ta bona Baibel sisiba be edeseniai oi davaria indeks ta idia atoa.
Oi sibona oi tahua murinai, bema oi ura heduru ma haida oi abia, emu kongregesen lalonai idia noho elda taudia ta oi hamaoroa. Unai tadikaka ese oiemu mauri dalana idia diba vadaeni; Dirava ena Hereva amo sisiba namona do idia henia. Laloaboio lasi, Iehova ese elda tadikaka ena orea ia haginia lauma dalanai heduru henia totona.
Bema hekwakwanai ia do noho bona oi laloa namona be heduru ma haida oi tahua, Society oi tore henia. Bema oi torea, namona be inai oi karaia: Oiemu ladana bona kongregesen ena ladana bona unai hekwakwanai lalonai idia vareai taudia edia ladana oi torea. Edia ladana idia sainia lasi revarevadia do idia haerelaia lasi. Idia vara momokani lasi gaudia oi nanadailaia lasi. Dahaka ia vara oi kikilaia mai maoromaoro, oi gwauraia kava lasi, bona anina lasi gaudia oi torea lasi. Sivarai ibounai oi torea, hekwakwanai be dahaka oi herevalaia goevagoeva. Dahaka hanamoa karadia oi karaia vadaeni oi hahedinaraia bona dahaka dainai oi laloa oi do hanamoa lasi. Baibel ena hakaua herevadia do idia hahedinaraia oi dekenai. Bema emu elda edia sisiba be emu hekwakwanai dekenai oi herevalaia, namona be elda taudia dekenai emu revareva ena kopi ta oi henia. Bema tadikaka ma haida be inai hekwakwanai lalonai idia vareai, Society ena haere be elda taudia dekenai danu do idia siaia, unai amo edena bamona sisiba idia henia be elda do idia diba.
This article has been taken from km-E 10/74 “Question Box” but with different title.