Henanadai Mauana
◼ Hesiai Hebou dekenai daika ese hadibaia herevadia do ia henia?
Inai Hesiai Hebou ena kahana ena badina be kongregesen do idia hadibaia hesiai gaukara totona idia hegaegae. Hadibaia herevadia haida be pura ta ta ai idia gwauraia loulou. To, namona be hadibaia hereva iboudiai idia gwauraia hedinarai namonamo. Namo lasi anina bada lasi gaudia eiava vaia idia gwauraia gauna bamona idia gwauraia.
Nega haida hadibaia herevadia haida be elda ta ese do ia gwauraia. Unai neganai, hakaua naria tauna ena maduna be ia hegeregere tadikakana ta ia abia hidi unai hereva ia gwauraia totona, ena be tadikaka ma ta ese hadibaia herevadia ma haida ia gwauraia.
Bema revareva ta be kongregesen totona bona ia lalonai ma hereva haida be elda taudia sibodia totona, namona be elda ta ese kongregesen taudia edia kahana sibona ia duahia. Society dekena amo ita abia revareva haida be hakaua herevadia kongregesen taudia totona, ia hegeregere elda ta ese ia duahia. Reana unai revarevadia ese iseda tadikaka idia dagedage henia sivaraidia idia gwauraia. Revareva ma haida be do ita karaia tiokratik gaukaradia totona, hegeregere sekit naria tauna ena vadivadi negana, eiava sekit bona distrik hebouhebou edia nega idia gwauraia.
Nega haida, mai anina bada hadibaia herevana ta be kongregesen ena namo totona idia gwauraia, bona namona be unai hereva idia gwauraia hedinarai goevagoeva. Unai bamona hadibaia herevadia be elda ta ese do ia henia be namo.
Herevana elda eiava hesiai taudia ese idia henia, to gau badana be unai hereva do idia gwauraia hedinarai namonamo. Gabu haida dekenai elda eiava hesiai taudia idia noho lasi dainai, ia gwauhamata tadikaka eiava taihu ta ese grup ia naria neganai, unai bamona danu ia karaia be namo. Inai hereva umui badinaia neganai, kongregesen dekenai hadibaia hereva do umui gwauraia namonamo, bona unai amo iboudiai be mai lalo-tamona ida do idia gaukara.—Sal. 133:1; 1 Kor. 14:8, 9, 40.