Haida Ita Lalodia—Kahana 2
1 Bema ia hegeregere, ita ura nega ibounai iseda dekena taudia danu ita noho namo. Unai ese ia hahedinaraia edia hemami bona edia ura ita laloa bona ita matauraia.
2 Momo idia diba Iehova ena Witness taudia be kara namo taudia. Iseda noho gabuna, sikuli, gaukara gabuna, bona hebouhebou dekenai danu ita kara namo dainai, hahenamo herevadia ita abia.—June 15, 1989, Watchtower, rau 20 itaia.
3 Momokani kara, gaukara karaia namonamo, bona kara goeva be kara namo. Ena anina ma ta be Kingdom Hall kahirakahira dekenai idia noho taudia ita matauraidia. Bema iseda dekena taudia ita kara namo henidia lasi, iseda kara namo ma haida do idia laloa lasi. Paul ese ita ia hagoadaia “Sivarai Namona ena dala hegeregerena” ai do ita noho.—Fil. 1:27.
4 Nega haida, Kingdom Hall kahirakahira ai idia noho taudia idia gwaugwau, badina hebou dekenai idia lao taudia ese idia lalodia lasi. Namo lasi tadikaka bona taihu be Kingdom Hall murimurina ai idia gini bona idia herevahereva badabada bona dekena taudia idia kamonai diba. Namo lasi natudia maragidia be Kingdom Hall lalonai idia heau vareai bona heau lasi. Motuka edia iduara idia koua mai regerege bada ida, eiava kibi regena idia karaia dainai dekena taudia idia moale lasi. Unai bamona kara ese ladana namona do ia henia lasi kongregesen dekenai.
5 Ita hahedinaraia haida ita laloa karana ta be nega ibounai iseda Kingdom Hall toana ia goeva. Namona be iena toana be haheitalai namona unai gabu dekenai, bona taunimanima ese do idia gwauraia dika lasi. Hanua dekenai, namo lasi boroma bona animal haida be Kingdom Hall lalonai idia vareai loaloa; eiava Kingdom Hall badinai kukuri bona momoru idia noho. Namona be Kingdom Hall ibounai be mai edia mei ruma namona. Herevana, ia be Kingdom Hall lalonai eiava murimuri ai, namona be ia goeva bona bonana dikana ia havaraia lasi.
6 Baibel ese ita ia hagoadaia ‘gau ibounai ita karaia Dirava hanamoa totona,’ bona unai anina be murimuri taudia do ita matauraidia danu. (1 Kor. 10:31-33) Bema ita ‘ese haida edia namo do ita tahua,’ edia gabu dekenai do ita vareai kava lasi. (Fil. 2:4) Bisinesi taudia edia gaukara danu do ita koua kava lasi.
7 Haida ita lalodia—kongregesen lalonai bona murimuri ai neganai—iseda kudouna ena hemami ita hahedinaraia. Namona be, dahaka ita karaia bona hereva ese ia hahedinaraia iseda ‘badibadinai tauna ita lalokau henia, sibona ita lalokau henia bamona.’—Mat. 7:12; 22:39.