Emu Teritori Ibounai Oi Karaia Haorea
1 Taunimanima idia noho gabudia dekenai bisinesi rumadia hegeregere sitoa, aniani hoia rumadia, eiava sitoa maragidia idia noho. Bema unai teritori oi karaia, namona be unai bisinesi gabudia danu umui karaia unai teritori ena kahana bamona.
2 Auka lasi hereva kwadogina amo emu hereva oi hamatamaia diba. Reana oi gwau: “Lau ura gau ta lau hahedinaraia oi dekenai.” Bema unai negai bisinesi biaguna ia bisi, pepapepa sibona oi henia toho bona oi gwau: “Do lau mai lou oi bisi lasi neganai. Lau ura diba dahaka oi laloa unai pepapepa maragina dekenai.”
3 Namo lasi oi gari unai gaukara oi karaia neganai. Pablisa ta ia gwau: “Lau laloa do idia ura henia lasi kamonai. To lau hoa, badina edia kara Basileia ena sivarai dekenai be idau momokani. Idia manau bona idia gado-namo bona kahirakahira nega ibounai magasin idia abia.”
4 Ruma hoihoilaia kampani dekenai ia gaukara hahine ta ese Witness taudia ia abia dae ena opesi dekenai. Magasin ia abidia bona ia hahedinaraia Baibel stadi ia ura henia. Diba bukana idia hahedinaraia ia dekenai bena unai nega ai Baibel stadi idia hamatamaia ena opesi lalonai!
5 Emu teritori ibounai oi karaia namonamo ena anina be bisinesi idia haheaua taudia ta ta do oi vadivadi henia danu. (Kara 10:42) Idia oi vadivadi henidia bona oi hereva henidia taunimanima edia ruma oi vadivadi henia hegeregerena. Unai kara amo emu teritori ibounai oi karaia haorea sibona lasi to ekspiriens namodia momo do oi davaria danu!
This article is repeated in km 7/98.