Gima Kohorona Bona Awake! Magasin amo Namo Oi Abia Noho!

Hari Gima Kohorona bona Awake! magasin edia sabskripsen ita karaia lasi dainai, namona be ita hekwarahi ita, bona ita haroro henia taudia, ese magasin ta ita reaia lasi totona.

Sibona Emu Magasin: Emu sabskripsen do ia ore neganai, magasin abia gabuna ai emu magasin oda oi habadaia. Namona be tama sina ese idia oda magasin edia namba be hegeregere, ruma bese taudia ta ta ese magasin idia abia totona. Emu magasin dekenai emu ladana oi torea be namo, unai amo haroro gaukara lalonai do oi hariharilaia lasi. Magasin idia mai neganai, Kingdom Hall dekenai magasin idia naria tadikakadia ese maoromaoro pablisa taudia dekenai do idia henia.

Magasin Abia Lao Hanaihanai: Namona be pablisa taudia ese magasin ta ta idia ura abia kamonai taudia dekenai magasin idia abia lao hanaihanai. Unai bamona taudia dekenai magasin idia abia lao neganai dala ia kehoa, edia ura idia habadaia bona Baibel stadi idia hamatamaia totona.​—Iseda Basileia Gaukara, October 1998, rau 12 itaia.

Edia Noho Dalana be Idau Taudia: Bema ta ese ura momokanina ia hahedinaraia to gabu daudau dekenai ia noho, sabskripsen amo magasin ia abidia diba. Bema kongregesen ena teritori dekenai ta ia ura momokani magasin ta ta ia abia to ia dekenai magasin oi abia lao hanaihanai dalana be lasi, Kongregesen Hesiai Komiti taudia oi hereva henidia. Bema gwaumaoro idia henia, unai kamonai tauna dekenai sabskripsen oi karaia diba. Sabskripsen fom (M-1-MO bona M-101-E) do oi gaukaralaia.

Ita diba momokani Gima Kohorona bona Awake! magasin amo Basileia ita hahedinaraia goadagoada karana be Iehova ese ia hanamoa noho.