Magasin Herevalaia Daladia

The Watchtower Dec. 15

“Lagani ta ta ai, inai bamona krismas negana ai, momo be Iesu ena vara dinana idia laloa. Baibel lalonai Iesu ena vara sivaraina amo mai anina bada gaudia ita dibaia diba. Unai oi diba, a? [Haere naria. Bena rau 5 oi kehoa, bona 2 Timoteo 3:​16 oi duahia.] Inai Watchtower magasin ese unai mai anina bada herevadia haida ia gwauraia.”

Awake! Dec. 22

“Hari inai negai dagedage idia hahedinaraia gadara gaudia ese natudia edia mauri idia hadikaia noho. Oi laloa tama sina ese unai gaudia idia laloa namonamo be mai badina, a? [Haere naria.] Tama sina momo ese inai Baibel sirina idia gaukaralaia bona unai ese ia hakaudia. [Aonega Herevadia 3:31 duahia.] Inai Awake! magasin ese ruma bese ia durua, kompiuta o vidio gadara ese idia havaraia diba dika idauidau idia tahua namonamo totona.”

The Watchtower Jan. 1

“Taunimanima be idia lalokau henia tauna ta ia mase o gorere ta ia hisihisilaia neganai, nega momo idia henanadai, ‘Dahaka dainai Dirava ese inai kara ia koua lasi?’ Reana oi danu be unai bamona oi henanadai. Baibel ese ia hahedinaraia, Dirava be hisihisi idia ania taudia ia hebogahisi henia. [Isaia 63:9a, NW duahia.] Inai magasin ese ia hahedinaraia, dahaka dainai ita diba momokani Dirava ese hisihisi do ia haorea.”