Magasin Herevalaia Daladia

The Watchtower May 15

“Dina ta ta ibounai dagedage ena sivarai ita kamonai. Oi laloa unai bamona kara be guna idia vara danu, a? [Haere naria.] Mani Baibel ena hereva oi itaia. [Mataio 24:37 duahia.] Noa ena negai taunimanima edia kara be dika herea, unai dainai Dirava ese ibounai ia hadikaia, to Noa bona ena ruma bese sibona idia mauri. Inai magasin ese ia hahedinaraia unai negai idia vara gaudia be mai anina bada hari ita dekenai.”

Awake! May 22

“Hari, manumanu maragidia haida ese ita dekenai gorere idia havaraia diba. Ita sibona ita gimaia diba daladia haida idia noho, unai oi diba, a? [Haere naria.] Inai magasin ese unai dala idauidau bona Baibel ena gwauhamata, taunimanima do idia gorere lasi negana, ia herevalaia.” Emu hereva hadokoa totona Isaia 33:24 duahia.

The Watchtower June 1

“Taunimanima edia heduru monina gaukaralaia kerere ena ripoti dainai, haida idia daradara ogogami taudia durua oreadia dekenai heduru monina idia henia be aonega karana eiava lasi. To, taunimanima momo herea be heduru idia ura. Dahaka oi laloa ita karaia be namo? [Haere naria. Bena Heberu 13:16 duahia.] Inai magasin be Dirava ese ia moalelaia karana ia herevalaia.”