Dogoatao

Haroro Gaukara Totona Idia Gwauraia Kiki Herevadia

Henunai idia noho kiki herevadia ese oi do idia durua, hua ena henia gauna hariharilaia dalana oi hegaegaelaia totona.

Apokalupo​—Ena Hagugurua Negana Ia Kahirakahira!

“Reana inai sivarai oi kamonai vadaeni [nius ena sivarai ta gwauraia]. Kara ta ese taunimanima edia mauri ia hadokoa haraga neganai, momo idia laloa edena dala ai edia ruma bese taudia idia hagoadaia diba. Dahaka oi laloa?” Haere naria. Bena rau 299 dekenai oi kehoa, bona toreisi lou laulauna oi hahedinaraia. Ma oi gwau: “Taunimanima momo ese kara maoromaoro bona kara dika taudia be tanobada Paradaisona dekenai do idia toreisi lou sivaraina idia dibaia neganai, idia hoa. [Kara 24:15 be rau 296, paragraf 9 dekenai idia torea hegeregerena duahia, bena ena anina be paragraf 10 dekenai gwauraia.] Inai buka ese hereva ma haida Dirava ena ura vaira negana totona ia herevalaia.”

Buka Helaga​—Dirava Ena Hereva Eiava Taunimanima Edia?

“Hari ita noholaia negana lalonai, kahirakahira taunimanima ibounai be hekwakwanai badadia idia davaria. Momo be sisiba henia taudia idauidau dekenai idia lao heduru idia abia totona. Haida be babalau taudia dekenai heduru idia tahua. Oi laloa edeseniai ita idia durua sisiba namodia ita davaria diba? [Haere naria.] Baibel ese mai anina bada herevana ta ia gwauraia, ita ibounai ese unai ita lalo-pararalaia be namo. [2 Timoteo 3:​16 duahia. Bena rau 187 dekenai oi kehoa, bona paragraf 9 duahia.] Inai buka ese oi do ia durua bena do oi diba, Baibel ena hereva badinaia karana ese namo bada ia havaraia.”

Diba ese Mauri Dekenai Ita Ia Hakaua Lao

“Bema ta ese oi ia boiria inai bamona gabu mai hairaina oi noholaia totona, do oi abia dae, a? [Rau 4-5 dekenai ia noho laulau hahedinaraia, bona haere naria.] Unai bamona mauri hanaihanai oi abia totona, dahaka do ita karaia be namo be Dirava ena Hereva ese ia gwauraia, mani oi itaia. [Ioane 17:3 duahia.] Inai buka amo oi abia dibana ese oi do ia durua mauri hanaihanai oi abia totona.” Dala oi karaia, vadivadi gabena ai karoa 1 ena paragraf ginigunadia 5 umui herevalaia totona.

Rau 188-9 ena laulau dekenai oi kehoa, bona ruma tauna dekenai laulau ataiai ia noho henanadai oi henia: “Emu helaro be paradaiso do oi noholaia, tanobada be Dirava diba karana amo do ia honu neganai, a? [Haere naria. Bena Isaia 11:9 duahia.] Inai buka amo Baibel ese ia gwauraia Paradaisona bona ita noholaia diba dalana do oi dibaia.” Dala oi karaia, vadivadi gabena ai karoa 1 ena paragraf 11-​16 umui herevalaia totona.

Dirava Ia Ura Dahaka Ita Karaia?

“Oi laloa Dirava ia ura ita be hari ita davaria hekwakwanai idauidau huanai ita noho, a? [Haere naria. Bena Mataio 6:​10 duahia.] Nega haida oi laloa, Dirava ena Basileia be dahaka, a?” Kahana 6 dekenai oi kehoa, bona idia noho henanadai oi duahia. Unai kahana oi herevalaia matamaia, eiava dala oi karaia emu vadivadi iharuana dekenai oi herevalaia totona.

“Ena be hari inai negai diba bada taudia ese muramura idauidau idia karaia, to gorere bona mase ese taunimanima ia do hahisia bada noho. Iesu ese gorere, buruka bona mase taudia dekenai do ia karaia gauna oi diba, a?” Haere naria. Bema ia ura haere ia diba, kahana 5 dekenai oi kehoa, bona paragraf 5-6 edia henanadai oi duahia. Bena paragraf oi herevalaia, eiava dala oi karaia vadivadi iharuana dekenai unai oi herevalaia totona.

Dirava Momokani Tamona Tomadiho Henia

“Mauri ena lalo-hekwarahi gaudia ita haheaukalaia totona edeseni amo heduru ita abia diba? [Haere naria. Bena Roma 15:4 duahia.] Baibel ese ita ia hadibaia, iseda lalona ia hagoadaia bona helaro ia henia, unai ese ita ia hagoadaia diba hekwakwanai ita haheaukalaia totona. Inai buka ese Baibel duahiduahi karana amo ita abia namo dekenai heduru herevadia ia henia.” Rau 30 dekenai idia noho point 4 hahedinaraia.

“Iesu be tanobada dekenai ia noho neganai, taunimanima momo be Dirava ena Basileia ena mai idia gurigurilaia. Basileia do ia mai ena anina taunimanima dekenai be nega ta oi laloa, a? [Haere naria. Bena Daniela 2:​44 duahia.] Inai buka ese Dirava ena Basileia be dahaka, do ia hagugurua gauna, bona ena kara maoromaoro lohia henunai ita noho ena namo ia gwauraia.” Rau 92-3 dekenai ia noho haheitalai herevalaia.

Gima Noho!

“Taunimanima momo be hari inai negai idia vara momo hekwakwanai badadia bona gau dika rohorohodia idia laloa momo. [Emu gabu dekenai ia vara momo hekwakwanai ta gwauraia.] Unai bamona gaudia ese idia hahedinaraia Dirava ena gavamani be kahirakahira tanobada do ia gunalaia. Unai oi diba, a? [Haere naria. Bena siri namona ta duahia, hegeregere Mataio 24:​3, 7, 8; Luka 21:​7, 10, 11; eiava 2 Timoteo 3:​1-5.] Inai buklet ese ia hahedinaraia dahaka dainai hari inai nega ai idia vara gaudia dainai ita gima noho be mai anina bada.”

“Taunimanima momo be gau dika rohorohodia, eiava gau ta idia haboioa neganai idia lalohisihisi bada. Haida idia laloa dahaka dainai Dirava ese unai bamona gaudia ia koua lasi. Baibel ia gwau kahirakahira Dirava ese taunimanima idia mamia hisihisi do ia haorea. [Apokalupo 14:​6, 7 duahia.] Dirava ena hahemaoro karana taunimanima dekenai mani oi itaia. [2 Petero 3:​10, 13 duahia.] Inai buklet ese unai mai anina bada herevana dekenai gau ma haida ia gwauraia.”

Hadibaia Tauna Badana amo Diba Ita Abia

“Oi laloa tanobada be gabu namona ai do ia lao bema taunimanima ese inai hereva idia badinaia, a? [Mataio 7:​12a duahia. Bena haere naria.] Inai buka lalonai hadibaia tauna badana amo ita dibaia gaudia momo idia noho.” Karoa 17 dekenai idia noho laulau bona laulau ena hereva kwadogidia hahedinaraia.

“Tama sina momo idia ura kara namodia be edia natudia dekenai idia hadibaia. Oi laloa unai be mai anina bada, a? [Haere naria. Bena Aonega Herevadia 22:6 duahia.] Oi itaia, inai siri ese tama sina ia hagoadaia edia natudia idia maragi negana amo idia hadibaia matamaia be namo. Unai idia karaia totona, inai buka ese idia do ia durua.” Karoa 15 eiava 18 dekenai idia noho laulau bona laulau ena hereva kwadogidia hahedinaraia.

“Nega momo tama sina be natudia ese idia henia henanadai dekenai idia hoa. Unai henanadai haida be ia auka oi haerelaia totona, ani? [Haere naria. Bena Efeso 6:4 duahia.] Inai buka ese hari inai negai tama sina do ia durua diba edia natudia edia henanadai idia haerelaia totona.” Karoa 11 bona 12 eiava 34 ia lao 36 dekenai idia noho laulau bona laulau ena hereva kwadogidia haida hahedinaraia.

Iehova Kahirakahira Oi Lao

“Dirava idia abidadama henia taudia momo idia ura ia kahirakahira idia noho. Dirava ese ita ia boiria ia kahirakahira ita lao totona. Unai oi diba, a? [Iamesi 4:8 duahia.] Inai buka ese taunimanima ia durua edia Baibel idia gaukaralaia totona, unai amo Dirava kahirakahira idia lao diba.” Rau 16 ai paragraf 1 duahia.

“Hari inai negai kara gageva be bada herea. Unai be Baibel ese ia gwauraia. [Hadibaia Tauna 8:9b duahia.] Taunimanima momo idia daradara bema Dirava ese ita ia laloa. [Rau 119 ai paragraf 4 ena sentens ginigunadia rua duahia.] Inai karoa lalonai Dirava ese kara gageva ia koua lasi ena badina ia hahedinaraia.”

Tau Hereadaena

“Krismas negana lalonai, taunimanima momo be Iesu idia laloa noho. To, tanobada hegegemadai gau dikadia momo idia vara dainai, haida idia laloa bema Iesu ese momokani ita ia laloa bada eiava lasi. Dahaka oi laloa?” Haere naria. Karoa 24 dekenai oi kehoa, bona nega kwadogina lalonai Iesu be tanobada dekenai ia mai ena badina oi kikilaia. Bena Ioane 15:13 oi duahia bona Iesu ena lalokau karana ma haida dekenai oi hahedinaraia.

“Tau ta be Iesu Keriso ena ladana ia gwauraia neganai, taunimanima momo idia laloa ia be beibi ta, eiava hisihisi ia abia noho bona kahirakahira do ia mase tauna ta. Iesu ena vara bona ena mase sibona idia laloa. Nega momo, ena mauri ibounai lalonai ia gwauraia bona karaia gau namodia idia laloa lasi. Idaunegai ema bona hari tanobada idia noholaia taudia ibounai dekenai, Iesu ese ia karaia gaudia be mai anina bada. Unai dainai, ita dainai ia karaia gau namodia ita dibaia be gau badana.” Ioane 17:3 duahia. Hamatamaia herevana ena rau ginigunana dekenai oi kehoa, bona paragraf 4 duahia.