“Edena Bamona Do Oi Haere?”
1 Oi ese Dirava ena Hereva oi ura henia, to ena sivarai o hereva haida be edena siri lalonai idia noho oi laloatao be auka, a? Oi ura emu natudia ese Baibel ena hereva momokanidia idia lalopararalaia namonamo, a? Hua ta ta ai, Awake! ena rau 31 ai ia noho kahana, “How Would You Answer?” ese matamata bona buruka taudia ia durua diba, Dirava ena Hereva idia diba namonamo totona.—Kara 17:11.
2 Awake! magasin ena rau 31 be edena bamona oi gaukaralaia namonamo diba? January 2006 ena Awake! magasin ia gwau: “Mani rau 31 oi itaia. . . . Ena kahana haida be matamata taudia ese do idia moalelaia; kahana ma haida be Baibel idia diba namonamo taudia edia laloatao karana do ia tohoa. ‘When in History?’ kahana be Baibel ese ia sivarailaia taudia idia noho negana bona edena lagani ai idia vara gau badadia ia hahedinaraia, unai ese oi do ia durua taim-laini ta oi karaia totona. ‘From This Issue’ kahana ena haere be Awake! ena kahana idauidau lalonai do oi davaria diba, to unai rau ai idia noho henanadai momo edia haere be Awake! ena rau ta dekenai ia noho maua lalonai do oi davaria. Mani unai henanadai edia haere oi do itaia lasi neganai, tahua karana oi karaia guna, bena oi dibaia gauna be ma haida ida oi herevalaia. Emu ruma bese eiava ma haida ida Baibel umui herevalaia hebou neganai, inai kahana matamatana, ‘How Would You Answer?’ umui gaukaralaia diba.”
3 Oibe, ruma bese momo be unai kahana idia gaukaralaia edia famili stadi idia karaia totona. Sina ta ia gwau: “Lau bona egu adavana ai laloa emai famili stadi lalonai ‘Children’s Picture Search’ kahana ai herevalaia danu be namo, unai amo emai mauri lagani 3 natuna kekeni be stadi do ia moalelaia bona ena stadi urana do ai habadaia. Emai natuna kekeni be ena Awake! magasin ena rau ta ta ia kehoa ela bona ia tahua laulau ia davaria, unai ai itaia neganai ai moale bada.” Brazil dekenai tama ta ia gwau: “Lau bona egu natuna mero, ena mauri lagani be 7, ese inai Awake! magasin ena kahana ai ura henia bada. Unai ese Moises ia durua ia hakala, Baibel siridia ia davaria, laulau edia anina bona deit ia lalopararalaia totona.” Ashley, ena mauri lagani be 8 kekenina ia gwau: “Awake! magasin ena dokona ai ‘How Would You Answer?’ ena kahana dainai lau tanikiu bada. Unai kahana amo Baibel ena hereva momo lau dibaia.”
4 Bema namo inai kahana, “How Would You Answer?” be nega ta ta ai emui famili stadi lalonai umui gaukaralaia. Index eiava Watchtower Library on CD-ROM oi gaukaralaia diba henanadai aukadia edia haere oi tahua totona. Unai dala amo emui natudia be tahua karana umui hadibaia diba. Bema oi be mai emu natuna badadia, famili stadi umui do karaia lasi neganai, reana idia ese inai kahana, “Who Am I?” o “When in History?” ena haere idia tahua diba. Bena edia tahua karana amo idia davaria gauna be stadi lalonai idia herevalaia diba. Tama sina ese Awake! magasin ena rau 31 idia gaukaralaia namonamo neganai, edia natudia dekenai Dirava ena Hereva idia hadibaia diba, bona idia durua idia maragi negana amo Baibel idia manadalaia totona.—2 Tim. 3:15; Deu. 6:7.
[Study Questions]
1. Ita momo dekenai dahaka be auka?
2. “How Would You Answer?” be edena bamona ita gaukaralaia diba?
3. Edena dala ai ruma bese haida be inai kahana, “How Would You Answer?” amo namo idia davaria? Bona oi be edena kahana oi moalelaia bada?
4. Ruma bese ta ese edena dala ai Awake! ena rau 31 be edia famili stadi durua totona idia gaukaralaia diba?