Magasin Herevalaia Daladia

Gima Kohorona January-March

“Oi itaia haida ese goeva karana idia laloa dalana be ma haida amo ia idau, a? [Haere naria.] To Baibel be ita goeva ena badina badana ta ia gwauraia. [1 Petero 1:16 duahia.] Inai magasin be ita goeva noho dala namodia haida ia herevalaia.” Rau 9 ai ia noho herevana hahedinaraia.

Awake! Dec.

“Krismas neganai, taunimanima momo be Iesu idia matauraia. Inai siri oi itaia neganai, oi laloa Iesu ita matauraia dalana hereadaena be dahaka? [Ioane 14:15 duahia. Haere naria.] Momokani, Iesu ena vara dinana be ita diba lasi. To, dahaka dainai December 25 idia gwauraia Krismas dinana? Unai henanadai ena haere oi diba neganai, reana do oi hoa.” Rau 10 ai ia noho herevana hahedinaraia.

Gima Kohorona January-March

“Lalokau Diravana ese taunimanima ia hahisia hanaihanai lalohadaina be momo ese idia daradaralaia. Dahaka oi laloa? [Haere naria.] Baibel ese ia hahedinaraia goevagoeva, Dirava be taunimanima ia hahisia lasi o dagedage henidia lasi. [Esekiela 18:23 duahia.] Inai magasin ai idia noho Baibel ena hadibaia herevadia do oi moalelaia bada.”

Awake! Jan.

“Taunimanima momo be metau idauidau idia davaria neganai, idia gwau Dirava be idia ia panisia. Oi danu be unai bamona oi laloa, a? [Haere naria. Bena Iamesi 1:13 duahia.] Inai magasin ese ia hahedinaraia daika be metau idauidau ia havaraia noho, bona dahaka dainai ita diba momokani unai metau idia havaraia taudia be kahirakahira do idia ore.” Rau 28 ai ia noho herevana hahedinaraia.