Dirava Ena Basileia Be Dahaka?

Tau ta be gavamani edia building vairanai patapata latanai ia helai bona Baibel ia duahia.

Taunimanima momo be Dirava ena Basileia ia mai totona idia guriguri, to nega ta Dirava ena Basileia be dahaka bona dahaka do ia karaia oi lalohadailaia, a?

MANI BAIBEL ENA HEREVA OI LALOA:

Dirava ena Basileia be dahaka?

Ia be guba gavamanina ta bona Iesu Keriso ese ia lohiaia.—Isaia 9:6, 7; Mataio 5:3; Luka 1:31-33.
Dirava ena Basileia ese dahaka do ia hagugurua?

Kara dika ibounai do ia haorea momokani bona tanobada ai do idia noho taudia dekenai noho hanaihanai maino do ia mailaia.—Daniela 2:44; Mataio 6:10.
Basileia tahua guna ena anina be dahaka?

Ena anina be Dirava ena Basileia ita durua bona ita abidadama henia badina ia sibona ese tanobada ai Dirava ena ura do ia hagugurua.—Mataio 6:33; 13:44