Magasin Herevalaia Daladia

The Watchtower June 1

“Momo idia gwau tomadiho be idauidau to Dirava tamona idia tomadiho henia. Dahaka oi laloa? [Haere naria.] Mani Baibel ena hereva oi itaia. [Iosua 24:15 duahia.] Inai magasin ena hereva haida ese ita do ia durua eda tomadiho ita sekea namonamo totona, unai amo do ita itaia ita be Dirava momokanina ita tomadiho henia eiava lasi.” Rau 12 ai ia noho herevana hahedinaraia.

Awake! June

“Idia mase taudia haida ita diba. Oi laloa idia ita gari henia be namo, badina reana idia haida idia badu bona idia ura ita idia hadikaia, a? [Haere naria. Bena Hadibaia Tauna 9:​5, 6 duahia.] Inai magasin ena hereva ese oi do ia durua.” Rau 22 ai ia noho herevana hahedinaraia.

The Watchtower July 1

“Taunimanima momo be mai edia Baibel to ena hereva haida idia lalopararalaia be auka. Oi be edena bamona oi laloa? [Haere naria.] Inai siri ese ia hahedinaraia, Baibel ia Havaraia Tauna ia ura ena hereva ita lalopararalaia bona namo ita davaria. [Salamo 119:130 duahia.] Inai magasin ese dala toi ia herevalaia, bona unai ese ita do ia durua Baibel ita lalopararalaia totona.”

Awake! July

“Hari taunimanima momo idia lalometau. Oi laloa Dirava be unai bamona taudia ia laloa, a? [Haere naria. Bena Salamo 34:18 duahia.] Inai magasin ese ia hahedinaraia lalometau taudia be edena dala ai Dirava amo heduru idia abia diba, ena be idia haida be medikol heduru idia abia. Danu, magasin lalonai idia noho heduru herevadia ita gaukaralaia diba lalometau taudia ita hagoadaia totona.”