Magasin Herevalaia Daladia

Gima Kohorona October​–December

“Haida idia gwau tomadiho ibounai be Dirava idia lao henia daladia idauidau. Oi laloa tomadiho ibounai be idia namo, a? [Haere naria. Bena Mataio 7:​13, 14 duahia.] Inai magasin be Baibel ese ia gwauraia tomadiho namona ese do ia hahedinaraia gaudia toi ia herevalaia.”

Awake! October

“Oi laloa hari inai negai ruma bese be hekwakwanai momo idia davaria, a? [Haere naria.] Momo be Baibel lalonai ia noho heduru herevadia idia diba lasi. Hegeregere, mani inai siri ta lau duahia. [Magasin lalonai ia noho siri ta duahia.] Inai Awake! ese ia hahedinaraia ruma bese be Baibel ena hakaua herevadia idia badinaia neganai, hekwakwanai idauidau idia hanaia diba.”

The Watchtower November 1

“Oi laloa dubu idauidau lalonai idia hadibaia herevadia ibounai be Baibel amo idia abia, a? [Haere naria.] Baibel ese ita ia hamaoroa hahediba koikoi herevadia dekenai do ita naria namonamo. [Kolose 2:8 duahia.] Inai magasin be Baibel ese ia hadibaia lasi hahediba hereva koikoidia 6 ia gwauraia hedinarai.”

Awake! November

“Hari inai negai taunimanima ese mobael fon bona kompiuta idia gaukaralaia momo. Unai gaudia oi gaukaralaia dainai oi be mai emu nega bada gau ma haida oi karaia totona, o unai gaudia ese emu nega idia haorea kava? [Haere naria.] Momo be Baibel ena sisiba nega gaukaralaia namonamo karana dekenai idia abia dae. [Efeso 5:​15, 16 duahia.] Inai magasin ese oi do ia durua dala maorona ai mobael fon bona kompiuta oi gaukaralaia totona.”