October ai Stadi ta Hamatamaia
1 October ena henia gauna be Gima Kohorona bona Awake! magasin. To magasin idia abia taudia ita lou henia neganai, namona be pepapepa ladana, Oi Ura Hereva Momokani Oi Diba, A? ita hahedinaraia bona stadi ita hamatamaia toho. Edena dala ai lou henia negana ai unai bamona ita karaia diba?
2 Pepapepa Hariharilaia Dalana: Ita gwau diba: “Oi dekenai lau rakatania magasin ese taunimanima idauidau bona tomadiho idauidau taudia ia hagoadaia Baibel ena hereva idia tahua totona. [Ruma tauna dekenai Hereva Momokani Oi Diba pepapepana ita henia, bona pepapepa ena vairanai idia noho henanadai ita poinia.] Inai henanadai namodia be Baibel ese ia haerelaidia. Nega ta oi be inai henanadai ta oi henia, a?” Ruma tauna ena haere ia henia murinai, ia abia hidi henanadai ena haere be pepapepa dekenai ita itaia hebou bona siri ta ita duahia. Bena ita gwau, “Baibel ia hadibaia gauna be inai,” bena Baibel Hadibaia bukana ita henia. Bema ruma tauna ese rau 2 (Anina) ai karoa ta ia abia hidi, vadaeni unai karoa ena paragraf ginigunadia be ia ida ita herevalaia. Eiava buka ena karoa ta amo ruma tauna ida pepapepa ai ita herevalaia gauna ita habadaia. Ita gaukaralaia diba gaudia be inai:
● Dirava be ita ia laloa, eiava? (rau 9-11, par. 6-10)
● Tuari bona hisihisi be do idia ore, eiava? (rau 12, par. 12-13)
● Ita mase neganai dahaka ia vara? (rau 59-60, par. 7-8)
● Mase taudia totona helaro ia noho, a? (rau 71, par. 13-15)
● Edena bamona do lau guriguri bona Dirava do ia kamonai? (rau 166-167, par. 5-8)
● Edena bamona egu mauri lalonai lau moale diba? (rau 9, par. 4-5)
3 Ena be vadivadi ginigunana ai Baibel Hadibaia bukana amo stadi ita hamatamaia lasi, to nega ibounai dala ita karaia ita lou henia noho totona. Vadivadi negadia ibounai lalonai, bema ita itaia ruma tauna ia kamonai, vadaeni Baibel Hadibaia bukana ita do herevalaia lasi neganai, pepapepa ena henanadai ta o rua ita herevalaia diba. Namona be October lalonai Hereva Momokani Oi Diba pepapepana ita gaukaralaia namonamo stadi ta ita hamatamaia bona kudou-maoro taudia ita durua ‘hereva momokani’ idia diba totona.—Ioa. 8:31, 32.
[Study Questions]
1. October ena henia gauna be dahaka?
2. Magasin ia abia tauna ta ita lou henia neganai, edena dala ai Hereva Momokani Oi Diba pepapepa amo stadi ta ita hamatamaia diba?
3. Bema ta ia kamonai, edena stadi hamatamaia daladia idauidau ita gaukaralaia diba?