Magasin Herevalaia Daladia

The Watchtower January 1

Genese 2:​16, 17 duahia. Bena gwau: “Haida idia gwau Dirava be ia diba vadaeni Adamu be do ia kara dika. Ma haida idia mamia, bema Dirava be do ia vara gauna ia diba, vadaeni ia henia hadibaia herevana be koikoi. Dahaka oi laloa? [Haere naria.] Inai magasin ena rau 13 ai ia matamaia kahana ese ia hahedinaraia, edena bamona Dirava ese ena diba ia gaukaralaia, vaira negai do idia vara gaudia ia dibaia totona.”

Awake! January

“Haida idia abia dae abidadama karana be hemami sibona amo ia vara, to badina namona ta dainai ia vara lasi. Dahaka oi laloa? [Haere naria.] Baibel ia gwau taunimanima ese idia gwauraia hereva ibounai do ita hamomokania lasi. [1 Ioane 4:1 duahia.] Rau 28 ai ia noho atikol ese ia hahedinaraia, iseda abidadama be badina namona ta dainai ia vara be namo.”

Gima Kohorona January-March

“Momo idia abia dae gabu ta dekenai lauma taudia idia noho, idia ese iseda mauri idia biagua noho. Dahaka oi laloa? [Haere naria. Bena Apokalupo 12:​7-9 duahia.] Inai magasin ese ia hahedinaraia, lauma taudia be idia noho, edena bamona idia ese ita idia durua eiava hadikaia diba, bona ita be idia ida ita herevahereva diba eiava lasi.”

The Watchtower February 1

“Hari inai negai, headava hadokoa karana be ia bada momokani. Oi laloa dahaka badina badana dainai unai ia vara? [Haere naria.] Headava taudia momo ia durua bada sisibana mani oi laloa. [1 Korinto 10:24 duahia.] Inai magasin lalonai headava taudia edia maumau herevadia 6 idia noho bona idia do ia durua Baibel ena hakaua herevadia danu idia noho.”