Memorial Negana​—Dala Ia Kehoa Haroro Gaukara Ita Habadaia Totona!

1. Dahaka dainai March, April, bona May ai iseda haroro gaukara ita habadaia be namo?

¹ March, April, bona May ai emu haroro gaukara oi habadaia diba, a? Pablisa haida be edia moni gaukara o sikuli holide negadia idia gaukaralaia diba haroro gaukara idia karaia totona. April 2 ia matamaia neganai, Memorial ena boiboi pepana do ita hariharilaia, bona taunimanima do ita boiria April 17 ai do ita karaia Memorial hebouna idia mai totona. Unai murinai, do ita gaukara goada Memorial dekenai idia mai taudia edia ura ita habadaia bona idia ita boiria April 25 purana ai spesel pablik tok idia kamonai totona. Momokani, badina momo dainai March, April, bona May ai iseda haroro gaukara ita habadaia be namo.

2. Iseda haroro gaukara ita habadaia dala namona ta be dahaka?

² Heduru Painia: Iseda haroro gaukara ita habadaia dala namona ta be heduru painia gaukara ita karaia. Ita ibounai ita bisi dainai, namona be palani ita karaia guna bona iseda sediual ai gau haida ita haidaua. (Aon. 21:​5, NW ) Reana anina maragi gaukaradia be hua ma ta ai oi karaia diba. (Fili. 1:​9-​11) Namona be kongrigeisen ai ma haida oi hamaoroa oi ura oi painia, reana idia haida do idia ura oi ida heduru painia gaukara idia karaia.

3. Edena dala ai famili ese haroro gaukara idia habadaia diba?

³ Ruma Bese Ena Tomadiho negana ai, emui famili ena tahua gaudia umui herevalaia be namo. (Aon. 15:​22, NW ) Bema famili lalonai ibounai umui gaukara hebou, reana haida be hua ta o ma haida lalonai idia heduru painia diba. To, bema umui laloa ta ia heduru painia diba lasi, dahaka umui karaia diba? Famili be palani idia karaia adorahi o wikeni ai, haroro gaukara idia habadaia totona.

4. Memorial negana ai, iseda haroro gaukara ita habadaia neganai, dahaka hahenamo idauidau ita abia diba?

⁴ Iehova be ia ita hesiai henia totona ita karaia gaudia ibounai ia itaia bona haroro gaukara ita habadaia karana ia laloa bada. (Heb. 6:​10) Iehova bona ma haida dekenai henia karana amo moale ita davaria. (1 Siv. 29:9; Kara 20:35) Oi ura Memorial negana ai, emu haroro gaukara oi habadaia, unai amo moale bada bona hahenamo idauidau oi abia diba, a?