Haroro Herevadia

June Ena Saturday Ginigunana ai Baibel Stadi Hamatamaia

Salamo 83:18 duahia. Bena oi gwau: “Inai siri ese ia hahedinaraia Dirava be mai ena ladana. Oi laloa Dirava ena ladana ita gaukaralaia be mai anina bada, a? [Haere naria.] Inai magasin ena hereva mani oi laloa.” Ruma tauna dekenai June 1 Watchtower oi hahedinaraia, bona magasin ena rau 16 ena kahana umui kikilaia hebou. Magasin oi henia, bona lou henia dalana oi karaia, henanadai iharuana ena haere umui herevalaia totona.

The Watchtower June 1

“Lau ura mai anina bada herevadia 4 dekenai oiemu lalohadai lau diba. [Rau 3 kehoa, bona lista oi poinia.] Oi laloa edena point be Baibel ia herevalaia maoro? [Haere naria.] Baibel be dahaka ia gwau? [Roma 15:4 duahia.] Inai magasin be badina 5 ia herevalaia, bona unai ese idia hahedinaraia dahaka dainai Baibel be buka hereadaena bona edena bamona ita ia durua diba.”

Awake! June

“Lagani ta ta ai, tanobada ibounai, taunimanima milioni momo be aniani namodia idia ania lasi dainai idia gorere. Oi laloa iseda gabu ai idia noho taudia be aniani namodia idia ania o lasi? [Haere naria.] Inai magasin be dala 4 ia herevalaia, unai amo iseda famili ita durua diba aniani namodia idia ania bena idia gorere lasi totona. Danu, inai magasin be Baibel ena peroveta herevadia haida ia kikilaia, ia hahedinaraia kahirakahira taunimanima ibounai be aniani namodia idauidau do idia moalelaia.” Salamo 104:14, 15 duahia.