Eda Haroro Gaukara Ita Karaia Namonamo Dalana—Ma Haida Laloa Bada

Dahaka Dainai mai Anina Bada? Iesu be taunimanima ta ta ia lalokau henia bona ia hahedinaraia idia ia laloa bada. Hegeregere, nega ta Iesu be taia kudima tauna ta ia hanamoa gwauraia neganai, ia itaia unai tauna be ia hemarai dainai, hutuma amo ia abia siri bona ia hanamoa. (Mar. 7:31-35) Iesu be ena hahediba taudia ia laloa bada, badina ia diba edia goada be mai ena hetoana, bona ia ura lasi idia dekenai gau momo ia herevalaia. (Ioa. 16:12) Guba ai ia noho neganai, ia ese ma haida ia durua danu. (2 Tim. 4:17) Ita be Keriso ena murinai ita raka taudia dainai, ita ura ia ita tohotohoa. (1 Pet. 2:21; 1 Ioa. 3:16, 18) Ma danu, iseda haroro gaukara ita karaia namonamo totona, namona be ruma tauna ena noho dalana, ena ura gaudia bona ia laloa bada gaudia ita diba. Bema ruma tauna ia itaia ita be sivarai namona ita abia lao o pablikeisen ita rakatania sibona lasi to ia ita laloa bada, vadaeni do ia ura eda hereva ia kamonai.