Memorial Totona Oi Hegaegae, A?
Nisan 13, 33 C.E. ai, Iesu ia diba unai be ena hanuaboi ginigabena ena aposetolo taudia ida do ia noho, unai murinai do idia hamasea. Danu, Pasova ginigabena ia karaia murinai, Lohiabada ena Anibou ia hamatamaia. Unai mai anina bada hebouna totona hegaegae namonamo karana be gau badana. Unai dainai, Iesu ese Petero bona Ioane ia siaia gabu ta idia hegaegaelaia totona. (Luka 22:7-13) Unai nega amo ema bona hari, Keristani taudia be lagani ta ta ai, Memorial totona idia hegaegae. (Luka 22:19) Dahaka ita karaia be namo, unai amo April 3 Memorial totona ita hegaegae namonamo diba?
Pablisa ese idia karaia gaudia:
Memorial invateisen hariharilaia gaukarana ita durua.
Do ita boiria taudia edia lista ita karaia, hegeregere Baibel stadi, varavara, sikuli turadia, gaukara turadia, bona ma haida.
Memorial ena Baibel duahiduahi ita karaia bona laloa dobu.
Memorial hebouna ai ita ginidae haraga, bona kamonai taudia ita welkam henia.