EMU HARORO DALANA
Haroro Hanamoa Daladia Magasin Hariharilaia Dalana
DAHAKA DAINAI MAI ANINA BADA: Iseda hebou pepana ai idia noho hamatamaia herevadia be ita durua totona, unai dainai sibona emu hamatamaia hereva oi torea be namo. Reana emu teritori ai idia noho taudia ese idia laloa momo gauna ta oi herevalaia diba. Danu, magasin oi duahia murinai, hamatamaia herevadia kahana bona vidio ai oi itaia dalana laloa, bena henunai idia noho dalana oi badinaia, sibona emu hamatamaia hereva oi torea totona.
KARAIA DALANA:
Sibona nanadaia, ‘Idia noho hamatamaia herevadia do lau gaukaralaia, a?’
OIBE
Emu hamatamaia hereva torea. Hanamoa hereva oi gwauraia murinai, oi vadivadi ena badina gwauraia. (Hegeregere: “Lau mai, badina . . . ”)
Ruma tauna dekenai do oi henia henanadai, oi duahia sirina, bena oi henia gauna laloa. (Hegeregere: Siri oi do duahia lasi neganai, reana oi gwau, “Unai henanadai ena haere be iniseni oi davaria diba.”)
Oi lou henia neganai, do oi haerelaia henanadaina torea
Lou henia neganai do oi gwauraia herevadia be noutbuk ai torea
LASI
Oi bona emu teritori ai idia noho taudia ese do idia ura henia kahana ta be magasin amo abia hidi
Lalona veria henanadai namona ta laloa bona herevalaia, to namo lasi ruma tauna ita hahemaraia. (Hegeregere: Magasin edia rau 2 ai idia noho henanadai.)
Do oi duahia sirina abia hidi. (Bema oi be Awake! oi hariharilaia, Baibel siri ta oi duahia eiava lasi, be oi sibona, badina unai magasin idia karaia Baibel idia diba sisina bona reana tomadiho idia abidadama henia lasi taudia totona.)
Ruma tauna ese inai magasin amo do ia abia namo be sentens ta o rua ai torea
HEREVANA DAHAKA
Oi lou henia negana ai do oi haerelaia henanadaina oi hegaegaelaia
Vadivadi ginigunana ai oi herevalaia gaudia torea, oi laloatao totona