Lalokau Korikorina be Dahaka?

Iehova be headava ia karaia tau bona hahine huanai, do idia noho hebou totona. (Ge 2:22-24) Headava idia hadokoa diba bema ta ia heudahanai. (Mal 2:16; Mt 19:9) Iehova ia ura headava taudia do idia moale, unai dainai ia ese hakaua herevadia ia henia unai ese Keristani taudia ia durua mai aonega ida do idia adavaia tauna idia abia hidi bona headava namona do idia moalelaia totona.​—⁠Had 5:4-6

LALOKAU KORIKORINA BE DAHAKA?, VIDIO HAHEDINARAIA BENA HENUNAI IDIA NOHO HENANADAI HAERELAIA:

• 

  Dahaka dainai Frank bona Bonnie ese edia natuna Liz idia matahakani henia be aonega bona lalokau karana?

• Dahaka dainai oi laloa oi tura henia tauna ena kara oi haidaua diba be aonega karana lasi?

• Paul bona Priscilla be Liz dekenai dahaka aonega sisiba idia henia?

• 

  Dahaka dainai Zach bona Megan edia headava lalonai hekwakwanai ia vara?

• 

  John bona Liz be dahaka tahua gaudia idia atoa?

• Dahaka dainai “emu kudouna ai ia noho gauna” oi diba guna be namo, gabeai do oi adavaia tauna ida headava gwauhamata oi karaia? (1Pe 3:4)

• Lalokau korikorina be dahaka? (1Ko 13:4-8)